Бадемовото и оризовото млеко се само скапа филтрирана вода со неколку зрна бадеми и ориз.
Во маркетите ќе наидете на производи коишто ги носат етикетите „здрави“, „без шеќери“ или „диетални“, но дали знаете колку навистина овие производи се здрави, диетални и не содржат шеќери?
Нутриционистите сè почесто предупредуват и советуваат на темите кои производи се добри, а кои лоши за здравјето. Во продолжение ги претставуваме петте производи коишто нутриционистите никогаш не би ги купиле во маркет.
Овошни смутија
Во маркетите сега може да се најдат пакувани овошни смутија што содржат парчиња овошје, преработени протеински прашоци и засладувачи како мед и агава, коишто иако се природни, содржат високи количества фруктоза. Пакуваните овошни смутија се храна којашто брзо и лесно се консумира и вари во организмот. Експертите велат дека токму тоа го забрзува процесот на варење на храната и организмот нема доволно време правилно да ги процесира состојките. Оттука, тие советуваат дека смутијата не се здрави колку што многумина сметаат дека се и дека секогаш е подобро овошјето да се јаде свежо бидејќи го забавува процесот на јадење и варење на храната, а со тоа и го подобрува метаболизмот.
Нискомаслен јогурт
Според нови неодамнешни научни студии од страна на нутриционисти во светот, се докажува дека консумацијата на нискомаслен јогурт е меч со две острици. Експертите велат дека не е препорачливо да се консумира нискомаслен јогурт, бидејќи од една страна, иако се скратува на консумацијата на масти, од друга страна во организмот му се обезбедува поголемо количество на шеќери и вештачки засладувачи, коишто се лоши по здравјето.
Бадемово или оризово млеко
Многумина сметаат дека бадемовите и оризови млека се здрави алтернативи на млекото од животинско потекло. Но во последно време сè почести се критиките од страна на нутриционистите кои велат дека овие млека се само скапа филтрирана вода со неколку зрна бадеми или ориз. Исто така, тие потенцираат дека пакуваните оризови и бадемови млека несомнено содржат помало количество калциум и протеини од кравјото млеко, како и дека се надополнуваат со разни додатоци и засилувачи на вкус.
Протеински и гранола-барови
Иако ја носат етикетата „здрави, со малку шеќер и јаглехидрати“, гранола и протеинските барови што многумина секојдневно ги консумираат како здрав десерт, содржат големи количества вештачки шеќери. Протеинските и гранола-барови треба што е можно поретко да се консумираат бидејќи содржат сукралоза – вештачки засладувач направен од шеќер преку хемиски процеси.
Житарици
Нутриционистите предупредуваат дека житариците коишто ја носат етикетата „диетални“ или „за деца“ се оние што треба да се избегнуваат. Овие пакувања житарици што може да се најдат маркетите во дело за здрава храна, содржат вештачки шеќери и јаглехидрати. Експертите советуваат дека од останатите житарици, оние коишто се засноваат на овес и не содржат гранола и други крцкави додатоци, како бадеми, кикирики и сл. се добар избор за појадок.
