pharmenews-shokantno-otkritie-eve-shto-navistina-piete-koga-posegnuvate-po-plastichno-shishe-so-voda
Споделете со пријателите!

 Научниците дојдоа до шокантно откритие – во 1 литар пластично шише вода се содржат 250,000 парчиња пластика.

Во една неодамнешна студија во која беа анализирани 3 различни брендови флаширана вода, било откриено дека литар вода од шишињата содржи 250,000 парчиња пластика.

Истражувањето било направено со специјален ласерски микроскоп, со кој ги испитувале примероците од три различни брендови вода од пластични шишиња и откриле дека 1 литар соджри од 110,000 до 400,000 парчиња пластика. Резултатите биле објавени во National Academy of Science.

Во просек, литар од флаширана вода содржи четвртина милион парчиња микроскопски мала пластика –  а истражувачите кои дошле до ова откритие велат дека иако оваа пластика можеби не е опасна, сепак тие одлучиле да престанат да пијат вода од пластични шишиња.

Во студијата не се открива за кои брендови флаширана вода се работело, а водечкиот автор на студијата Naixin Qian за NBC News изјавил дека сите три се многу продавани брендови на национално ниво.

Истражувачите кои работеле на студијата, велат дека 90% од пластичните парчиња пронајдени во шишињата не биле микропластика туку нанопластика, која е дури и помала од микропластиката и според досегашните сознанија, таа е потоксична. Тоа се должи на фактот што нанопластиката поради големината може многу лесно и брзо да навлезе во телото на човекот.

Како што објаснува National Library of Medicine, во микропластика (MPs) спаѓаат партикли со дијаметар помал од 5 милиметри, додека парчињата нанопластиката имаат дијаметар од 1 до 100 или 1000 нанометри.

За да биде појасно, во еден сантиметар има 10 милиони нанометри.

Истражувачите веруваат дека пластиката доаѓа од самите шишиња како и од системите за филтрација кои ги користат компаниите кои произведуваат флаширана вода како од водата би ги отстраниле сите загадувачи.

Ко-авторот на студијата Phoebe Stapleton, по професија токсиколог, за NBC News изјавила дека потенцијалните ризици по здравјето на луѓето се во фаза на испитување. Ние не знаеме дали е опасно и колку е опасно”.

Прочитајте:  Ништо не го спречува мамурлакот

Сепак во една друга студија објавена во National Library of Medicine било утврдено дека “резултатите од експериментите правени на клеточни култури и на животни, микро и нанопластиката може да имаат влијание на различни органи и системи во човековото тело вклучувајќи ги дигестивниот, респираторниот, ендокриниот, репродуктивниот и имуниот систем”. Во студијата исто така се говорело за тоа дека микропластиката може да предизвика хемиска токсичност која вклучува апсорпција и акумулација на токсини од околината како на пример тешки метали и полициклични ароматични јаглеводороди”.

После самото истражување, научниците одлучиле да намалат со консумирање на флаширана вода: Stapleton кажала за NBC News дека сега се повеќе користи филтрирана вода од чешма додека нејзината колешка од тимот, Wei Min, инаку хемичар по професија, рекла дека исто намалила со користење на флаширана вода.

Сепак, хемичарот Beizhan Yan, ко-автор на студијата, рекол дека во ситуацијата нема победник бидејќи и системите за филтрација може да испорачуваат во водата за пиење одредена количина на микропластика.

Минатата година во август, микропластика беше пронајдена во срцевото ткиво кај човекот. Исто така беше откриено дека луѓето вдишуваат микропластика колку големината на една кредитна картичка во текот на една недела. Ова истражување било објавено во јуни 2023 година во U.S. News and World Report.

Ние знаеме дека микропластиката ја има насекаде околу нас– изјавил за National Geographic, Alberto Rizzo, шеф на American Lung Association’s. Ние не знаеме дали присуството на микропластика во телото може да предизвика одредени проблеми. Најбитно е времетраењето односно колку долго сме биле изложени”.

Во меѓувреметој прашува, “можеме ли да ја направиме пластиката побезбедна?

Извор: https://www.technologynetworks.com/applied-sciences/news/bottled-water-contains-thousands-of-nanoplastics-382602

 

 


Споделете со пријателите!