Печена кокошка во неглазиран глинен сад, ручек кој секој би го посакал
Доколку имате неглазиран глинен сад за печење, не чекајте употребете го за печење на кокошката. Кокошката испечена во ваков сад е сочна и мека, а зеленчуците убаво испечени. Како предлог на ова јадење е песто од ливчиња од морков со павлака.
- пола голем кромид;
- 2-3 млади компира;
- 1 виолетов сладок компир;
- 2-3 млади моркови;
- 2 лукчиња;
- ⅓ лута пиперка;
- свежи тревки (магдонос, нане, копар…);
- сол, бибер;
- цела кокошка од 1150 g.
Ваквите неглазирани глинени садови и капаци прво треба да отстојат во вода половина час. потоа на дното ставете ги зеленчуците и тревките, посолете ги, па врз нив ставете ја кокошката и посипете ја со сол и бибер.
Затворете го садот со капакот и ставете го во ладна рерна да се пече. Никогаш не го ставајте во загреана, бидејќи садот може да пукне.
Вклучете ја рерната на 200°C, и оставете ја кокошката да се пече околу 1 час и 15 минути. Потоа тргнете го капакот и вратете ја да се пече уште петнаесетина минути без капак.
Внимавајте кога го вадите жешкиот глинен сад од рерната. Не го ставајте врз шпоретот, ниту врз нешто ладно, најдобро е да го ставите врз некој мек подметач.
* рецептите со во целост преземени од ситно сецкано
