Во бременоста потребно е да се води грижа за квалитетна исхрана. Квалитетната и разновидна исхрана и доволното внесување на минерали и витамини придонесува за здрава бременост и за подобар развој на детето. Потребно е да се внимава на потеклото и правилниот избор на храната која ја консумираат бремените жени. Причина се разните заразни болести кои се пренесуваат со храната, а може да направат сериозни проблеми кај мајката или кај плодот со неконтролирано внесување на пестициди и други хемиски соединенија кои се користат повеќе во модерното одгледување и обработка на храната. Важно е да се прифати дека во бременоста не е потребно количински да се јаде за двајца, само делумно треба да се зголемат оброците. Многу попаметно е да се поделат на помали а почести оброци.
Но, исто така за време на бременоста е неопходно и внесување на витамини и минерали како за развојот на нероденото дете така и за сопственото здравје на бремената жена. Вашето бебе ќе ги користи вашите ресурси па затоа е потребно да ги внесете со цел да останете здрави и безбедно да ги поминете фазите на бременоста, како и да се подготвите за раѓањето на вашето бебе.
Без разлика дали сте бремени или планирате бременост важно е да обрнете внимание на внесот на есенцијалните витамини и минерали, особено фолната киселина, калциум и железо, заради генералниот развој на вашето бебе и за континуитет на вашето здравје за време на бременоста.
Заради оваа причина бремените жени се советува да се хранат здраво, да имаат добро избалансирани оброци и да се обратат кај својот гинеколог или фармацевт за суплементи кои се користат во текот на бременост прилагодени за нивните потреби.
Особено важен суплемент е фолната киселина. Таа е битна за развојот на нервниот систем кај фетусот и заштита на невралната туба. Превенира сериозни дефекти при раѓање како Spina Bifida и енцефалопатии.
Посебно внимание кај суплементите кои се користат за бременост, треба да се обрне дали имаат активен облик на фолна киселина. Разликата меѓу обичната синтетска фолна киселина и активниот облик на фолна киселина, е дека активниот облик на фолна киселина нема потреба од ензими за конвертирање во активен облик. Бројни студии покажаа дека еден голем дел од пациентите околу 40-50% имаат и дефицит на тој ензим потребен за конверзија. Затоа кај тие пациенти внесувањето на обична синтетска фолна киселина е без ефект бидејки го немаат потребниот конвертирачки ензим за истата да може телото да ја искористи. Дневните препораки за внес на активен облик на фолна киселина се 400 микрограми. За жените кои планираат бременост потребно е и да се внесува 400-800 микрограми на ден.
Мр.Фарм Оксана Николовска
