Динстана или печена, која е повкусна?
Многумина викаат динстана тиква е многу повкусна отколку испечена, прелиена со малку сируп кој се создава на дното од тенџерето.
Измијте ја тиквата, исечете ја на крупни парчиња и исчистете ја од семки. Ставете ги парчињата во големо тенџере, во еден слој, најдобро свртени со лушпата надолу, посипете ги со малку шеќер, а на дното од тенџерето ставете малку вода, само колку да го покрие дното. Поклопете го тенџерето со капак и ставете ја тиквата да се динста, прво на појако, додека водата не зоврие, а потоа намалете ја температурата и гответе ја тиквата 15 – 20 минути, или додека не омекне. На помали и потенки парчиња може да им треба и помалку време. Проверете ја одвреме навреме водата, ако испарила, додајте малку.
Количината шеќер зависи од тоа колку благо сакате. Една лажица шеќер на секое парче и така излегува многу вкусна, кандирана, и се добива убав густ сируп со вкус на тиква, но можете и воопшто да не ставите шеќер.
* рецептите со во целост преземени од ситно сецкано
