Истражувањата за медицинска употреба на канабисот се во самиот зачеток, како и за неговото негативно влијание врз здравјето
Употреба на канабисот за медицински цели
Растението Cannabis sativa има долга историја на користење за медицински, индустриски и рекреативни цели. Бројот на рекреативни корисници на марихуана од година во година драматично се зголемува, што доведе и до легализација на неговата употреба во многу држави. Марихуаната рекреативно се користи поради подобрување на расположението и претставува благ седатив. Долготрајната рекреативна употреба создава зависност и влијае негативно врз развојот на мозокот на адолесцентите.
„Во медицината пак се смета дека канабисот е ефективен антиеметик (го спречува повраќањето) и го поттикнува апетитот кај пациенти со карциноми и СИДА, исто така ја намалува болката и спазамите кај одредени хронични состојби“.
Сепак истражувањата за медицинска употреба на канабисот се во самиот зачеток, како и за неговото негативно влијание врз здравјето.
Што содржи канабисот?
Хемиската анализа на канабисот открива дека содржи повеќе од 500 соединенија, од кои над 120 се канабиноиди, класа на хемикалии кои директно се врзуваат со ендогените канабиноидни рецептори на нервниот систем. Тетрахидроканабинол (THC) е еден од најважниот канабиноиди бидејќи е одговорен за психоактивните ефекти врз нервниот систем. Концентрацијата на THC ја одредува моќта на производите од канабис. Канабидиол (CBD) има слична хемиска структура со THC и се врзува за канабиноидни рецептори меѓутоа отсуствуваат негативните ефекти на еуфорија и седација на THC.
„Во јуни 2018 година, ФДА – Американската агенција за храна и лекови го одобри првиот лек на рецепт што содржи CBD – Епидиолекс (Epidiolex) кој се користи за лекување на ретки и тешки форми на епилепсија”
Кои се ефектите на канабисот врз здравјето на забите?
Познато е дека употребата на канабис, особено пушењето марихуана, го влошува орално здравје. Сепак потребна е комбинација на фактори за да дојде до тоа: истовремена употреба на тутун, алкохол и некои лекови, лоша орална хигиена и ретки посети на стоматолог.
„Пушењето на марихуана исто така доведува до ксеростомија – сува уста, што може да придонесе до расипување на забите и инфекции на усната празнина поради заштитното дејство на плунктата“.
Главниот психотропен агенс, THC го стимулира апетитот и ги поттикнува корисниците да конзумираат повеќе грицки и нездрава храна која ги расипува забите. Сето ова допринесува редовните корисници на канабис да имаат значително поголем број на расипани заби од оние кои не го користат. Кариесот е особено застапен на мазните површини, кои претставуваат нетипични места поради тоа што се лесно достапни за чистење.
Како марихуаната влија врз оралната слузница и пародонтот?
Пушењето канабис е поврзано со пародонтопатија, ксеростомија и леукоплакија, како и зголемен ризик од рак на главата и вратот.
Пушењето на марихуана е поврзано и со низа патолошки состојби кои се појавуваат на слузниците на усната празнина, меѓу нив се вбројуваат:
- Леукоедем е бела лезија која се јавува на усната или образната слузокожа, а ја карактеризира отокот (едем) кој се јавува во самите клетки. Докажана е почеста појава кај корисниците на канабис, сепак не е јасно дали се појавува поради чадот кој делува иритирачки или самиот канабис.
- Еритроплакија е присуство на црвена дамка на слузницата додека пак леукоплакијата се карактеризира со бела боја. Овие две состојби се исто така поврзани со пушењето на марихуана.
- Стоматитис поврзан со употреба на канабис (Cannabis stomatitis) е хронично воспаление на оралната слузокожа со хиперкератотични лезии кое го зголемува ризикот од малигна промена и појава на карцином.
- Рак на глава и врат – Постои синергистично делување на тутунот и канабисот во зголемување на ризикот за карцином на главата и вратот. Канабисот има имуносупресивно дејство, па во комбинација со хуман папилома вирус кај пушачи може да ги зголеми ризиците за појава на карцином.
- Орална кандидијаза – Имуносупресивните ефекти на канабисот може да придонесат и за зголемена појава на орална кандидијаза, а се претпоставува и дека јаглероводородните соединенија во канабисот претставуваат извор на енергија за кандидата што овозможува нејзина поголема колонизација.
- Пародонтална болест – Направени се голем број на студии на оваа проблематика и сите докажуваат постоење на директна врска меѓу пародонтопатијата и пушењето на марихуана, употребата ја забрзува појавата на оваа заболувања.
