jogurt-blagoroden-meecen-proizvod
Споделете со пријателите!

Јогуртот содржи пробиотици кои служат за регулација на цревната флора и се многу полезни здравствени придобивки за организмот
Јогуртот е ферментиран млечен производ кој се добива со додавање жива но благородна бактерија во млекото која функционира како пробиотик. Пробиотиците служат за регулација на цревната флора и многу полезни здравствени придобивки на организмот. Најчести пробиотици во ферментираното млеко се Lactobacillus и Bifidobacterium.

Ефектите од ферментираните млечни производи се нашироко простудирани. Според некои истражувања пробиотиците го зајакнуваат имунолошкиот систем, го намалуваат холестеролот, позитивно влијаат врз цела палета на функционирање на дигестивниот тракт, за здрави коски итн.

Јогуртот има богато нутритивно резиме. Цел спектар на масти, протеини, јагленхидрати, витамини и минерали.

Млечните масти се посебни поради разновидноста на масните киселини и содржат дури 400 различни видови. А количината на масти во јогуртот зависи од видот на млекото од кое е направен. Ниско мастените јогурти содржат под 1% млечна маст додека полно мастените над 3%.

Полно мастените јогурти го содржат скоро секој нутриент што му е потребен на организмот, иако различни типови јогурт имаат различни нутритивни вредности во зависност од бактеријата што се користи за ферментација. Најчести витамини и минерали што ги има во поголеми количини се витамин Б12 кој го има иосклучиво во храна од животинско потекло, фосфорот кој има важна улога при биолошките процеси, рибофлавин или витмин Б2, калциум итн.

Јагленхидратите најчесто се во форма на млечни шеќери (лактоза) и галактоза. При процесот на ферментација лактозата се разградува во галактоза и гликоза која се конвертира во млечна киселина и одтаму киселиот вкус на јогуртот.

Прочитајте:  5 работи што нè прават да се чувствуваме уморни

Обичниот полномастен јогурт во 100 грама содржи околу 3 грама протеини и во зависност од растворливоста во вода се делат на две основни групи казеини и сурутка. Овие протеини се со посебен квалитет затоа што се изградени од аминокиселини кои телото не може да ги синтетизира и мора да се внесат праку храна, сурутката, додека казеинот помага при абсорпција на минерали како калциум и фосфор.


Споделете со пријателите!