znaci-i-simptomi-deka-tinejdzerot-pati-od-narusuvanje-vo-ishranata
Споделете со пријателите!

Преокупираност со калории, избегнување на храна, повраќање и нагли промени во расположението, се најчестите симптоми дека вашето дете тинејџер пати од нарушување во исхраната
Како најчести нарушувања во исхраната се анорексијата, односно стравот од храна и булимијата – која се манифестира со прејадување и повраќање. Освен овие две кои што се најзастапени, познато е уште едно нарушување, а тоа е прекумерно јадење, односно, прејадување. Причините за нив се бројни, и вклучуваат биолошки, бихевиористички и социјални фактори.

znaci-i-simptomi-deka-tinejdzerot-pati-od-narusuvanje-vo-ishranata_1Однесувањето на тинејџерот драстично се менува кога пати од некоја форма на нарушување во исхраната, но бидејќи се наоѓа во нестабилен период кога сè се менува, ваквите нарушување можат да поминат незабележано, припишувајќи ги симптомите на процесот на созревање. Наглата физичка промена и напливот на хормони, најчесто се манифестираат со мала самодоверба, повисоко ниво на стрес и вознемиреност, нагли промени во расположението и депресија. Нарушувањата во исхраната сериозно можат да го загрозат здравјето на тинејџерот. Еве неколку знаци дека тинејџерот, односно детето пати од некоја форма на нарушувањата во исхраната:

Промени во исхраната:

  • Строга селекција на храната и точен распоред кој вклучува многу малку калории;
  • Преокупираност со броење калории;
  • Честа посета на тоалетот, особено после јадење;
  • Употреба на лаксативи.

Промени во однесувањето:

  • Претерано и постојано вежбање;
  • Депресија, агресија и нагли промени во расположението;
  • Избегнување на социјални активности, особено оние поврзани со храна;
  • Опсесивно однесување, перфекционизам.

Физички промени:

  • Нередовни менструални циклуси кај девојчињата;
  • Исцрпеност, недостаток на енергија и многу слаба циркулација (постојано чувство на студ);
  • Вртоглавици и често губење на свест;
  • Нагло опаѓање на косата на главата;
  • Оштетени заби, отечени образи, рани на устата и рацете (се најчести знаци доколку детето пати од булимија).
Прочитајте:  Топлото време може да значи зголемена појава на салмонела

Не ги игнорирајте знаците и симптомите, бидејќи доколку навреме му помогнете на вашето дете или тинејџер, ќе го спасите од напорни лечења, тешко нарушување на здравјето и долг период на заздравување кој може многу да влијае понатаму во неговиот живот. Доколку се констатира дека тинејџерот има нарушување во исхраната, веднаш треба да се посети лекар и специјалист кој ќе може соодветно да му помогне. Обидете се да сфатите низ што проаѓа вашето дете, а најважно од сè, е да се потрудите да му пренесете здрави навики и љубов кон животот.


Споделете со пријателите!