simptomi-prichini-za-pojava-na-intolerancijata-na-laktoza_image
Споделете со пријателите!

Постојат три типа на интолеранција на лактоза. Различни фактори предизвикуваат недостаток на лактаза кој е основен за секој тип.
Луѓето со интолеранција на лактоза не се во можност целосно да го дигестираат млечниот шеќер, лактоза, што е содржан во млекото и млечните производи. Како резултат на тоа, кај нив се манифестира дијареа, гасови и надуеност во стомакот по јадење или пиење млечни производи. Состојбата, којашто, исто така, се нарекува малапсорпција на лактоза, обично е безопасна, но нејзините симптоми може создадат непријатност.

„Лактазата го претвора млечниот шеќер во два едноставни шеќери – гликоза и галактоза“

Недостатокот на лактаза – ензим произведен во тенкото црево, обично е одговорен за појавата на интолеранција на лактоза. Многу луѓе имаат ниски нивоа на лактаза, но можат да ги консумираат млечните производи без проблем. Всушност, кај луѓето што се интолерантни на лактоза, недостатокот на лактаза води до симптоми по консумацијата на млечни производи. Сепак, многумина со интолеранција на лактоза можат да управуваат со состојбата, без да мораат да ги отфрлат сите млечни производи од своето мени.

Симптоми на интолеранција на лактоза

Знаците и симптомите на интолеранција на лактоза обично почнуваат 30 минути до 2 часа по јадење или пиење на храна која содржи лактоза. Вообичаени знаци и симптоми вклучуваат:

  • Дијареа;
  • Гадење, а понекогаш и повраќање;
  • Абдоминални грчеви;
  • Надуеност;
  • Гасови.

Причини за појава на интолеранција на лактоза

Интолеранцијата на лактоза се појавува кога тенкото црево не произведува доволно ензим (лактаза) за да се вари млечниот шеќер (лактоза).

Всушност, лактазата го претвора млечниот шеќер во два едноставни шеќери – гликоза и галактоза коишто се апсорбираат во крвотокот преку цревната обвивка.

Кај оние луѓе кај коишто се јавува недостаток од лактаза, лактозата во нивната храна се движи во дебелото црево, наместо да се обработува и апсорбира. Тогаш во дебелото црево се создаваат знаци и симптоми на интолеранција на лактоза.

Прочитајте:  денови без храна може да издржи човековиот организам

Постојат три типа на интолеранција на лактоза. Различни фактори предизвикуваат недостаток на лактаза кој е основен за секој тип.

Примарна интолерантност на лактоза

Ова е најчестиот вид на интолеранција на лактоза. Луѓето што развиваат примарна интолеранција на лактоза, го започнуваат својот живот со производство на многу лактаза – неопходност за доенчиња, коишто се хранат само со млеко. Кога децата ќе го заменат млекото со друга храна, нивната лактазна продукција нормално се намалува, но останува доволно висока за да се свари износот на млечни производи.

Во примарната интолеранција на лактоза, производството на лактаза остро опаѓа, поради што се отежнува процесот на варење на млечните производи.

Секундарна интолеранција на лактоза

Овој тип на интолеранција на лактоза се јавува кога тенкото црево го намалува производството на лактаза по болест, повреда или хируршка интервенција на тенкото црево. Помеѓу болестите поврзани со секундарна интолеранција на лактоза се целијачна болест и Кронова болест. Третманот на основното нарушување може да ги врати нивоата на лактаза и да ги подобри знаците и симптомите, иако тоа може да потрае одреден период.

Вродена или развојна интолеранција на лактоза

Иако ретко, можно е кај бебињата уште со раѓањето да развијат интолеранција на лактоза предизвикана од целосно отсуство на активност на лактаза. Ова пореметување се пренесува од генерација на генерација во шема на наследување.

Кога да се посети лекар

Посетете го вашиот доктор доколку често се појавуваат симптоми на интолеранција на лактоза по јадење млечни производи.


Споделете со пријателите!