Калкулатор базиран на вештачка интелигенција (AI) вели ДА! Може и тоа со сигурност од 78%!!! Истражувачите анализирале податоци од 6 милиони луѓе во Данска споредувајќи различни фактори како висина на лични доходи, професија па дури и дали некој имал скршена коска.
Веќе знаеме дека вештачката интелигенција може да ни даде одговори на многу прашања, дури и на такви на кои можеби не би сакале да го знаеме одговорот.
Системот наречен Life2vec, може да го предвиди животниот век базиран на студија направена на 6 милиони луѓе од Данска. Резултатите беа изнесени во студијата наречена “Користење на секвенци од животни настани во предвидување на животниот век” а објавена во списанието Nature.
“Ние ја користевме технологијата поддржана од ChatGPT (нешто што се нарекува модел на трансформери) за да ги анализираме животите на луѓето со тоа што секоја индивидуа беше претставена како секвенца од настани што им се случиле во животот” – изјавува Sune Lehmann, водечки истражувач во студијата. Предвидувањата се базирани на фактори како висина на примања, професија и медицинска историја. Системот исто така може да предвиди колку пари ќе имате во моментот кога треба да се одјавите од овој свет.
Истражувачите ги анализирале животните стории на луѓето односно различни аспекти низ животниот пат помеѓу 2008 и 2016 година, со програма направена да следи одреденa шема во податоците. Потоа, се користел алгоритам кој одредува дали некој починал до 2020 година.
Системот Life2vec го предвидел времето на смртта со точност од 78%.
Карактеристиките како поголеми лични примања и раководна функција, водат до подолг животен век додека лошите навики како пушење го скратуваат истиот. Системот анализирал и податоци кои се однесуваат на физичка активност и менталното здравје.
Одредени аспекти од живото на некој човек добивале соодветен код, како на пример, S52 значело дека тој имал скршена подлактица, 072 постпородилно крварење или POS3513 што била ознака за личности кои се занимаваат со компјутери. До сега Life2vec е тестиран на група од луѓе на возраст од 35 до 65 во Данска од кои половината веќе починале.
Системот за предвидување на животниот век сè уште не е достапен во јавност.
Извор: https://www.news5cleveland.com/ai-death-calculator-can-predict-when-you-ll-die-with-eery-accuracy
