Dr-Mimi-Kimovska-Hristov-specijalist-pedijatar-pocetna
Споделете со пријателите!

Во екот на пандемијата со Коронавирус, разговаравме со Д-р Мими Кимовска Христов, специјалист по педијатрија и вработена на одделот за интензивна нега и терапија на новороденчиња при Детска Клиника во Клиничкиот Центар во Скопје, за актуелната ситуација со Коронавирусот кај нас и во светот. Таа ни ги одговори и појасни најчестите прашања поврзани во врска со овој вирус.

Кои се најчестите симптоми на Коронавирусот, познат како COVID-19?

Коронавирусот е член на семејството вируси кои предизвикуваат обична настинка. Типичните симптоми вклучуваат треска, малаксаност, кашлица, тешкотии при дишењето, а можна е и појава на сув секрет во белодробните крила. Болеста може да има умерени симптоми а понекогаш може да се развие и во потешка клиничка слика како пневмонија. Најголемиот дел од информации што денес ги имаме за Коронавирусот се темелат на болестите слични на грип кои типично се шират од човек на човек преку капков пат од заразено лице кое кашла, кива или преку контакт со контаминирани површини.

Најдобро е да се консултирате со вашиот матичен лекар или педијатар по телефон. Не треба да го носите детето на преглед во ординација. Педијатарот најдобро може да ја процени ситуацијата и да ви даде понатамошни насоки. Детето би требало да ја помине болеста многу лесно и да не биде потребен понатамошен третман.

Како да ги разликуваме симптомите помеѓу обична настинка и Коронавирус?

Според насоките на американскиот CDC (Center for Disease Control and Prevention), обичната настинка вклучува симптоми како надразнето грло, течење на носот, кашлица, кивање главоболка и болки во телото.
Инфлуенцата (грипот) дава симптоми и клинички знаци: малаксаност, болки во мускулите и зглобовите, болка во грлото, висока температура, т.н.плачна маска со течење на носот и кивање, влажна продуктивна кашлица.
Симптомите пак на Коронавирус се висока температура (со треска), сува кашлица, гребење или болки во грлото и тешкотии со дишењето (глад за воздух). Понекогаш пациентите се жалат и на умор и малаксаност. Симптомите може да се појават од 2-14 дена по заразувањето, што е т.н.период на инкубација. Клиничката слика варира од блага до исклучително тешка (т.н. АРДС-масовно зафаќање на голем број на алвеоли низ целото белодробие). Таа изискува хоспитализација, дури и итен прием на одделите за Интензивна нега.
Само да напомнам дека можни се и асимптоматски форми, детето (пациентот) е заразен и е инфективен, а не го знае тоа. Е токму тие се можеби најопасните скриени извори на трансмисија на вирусот.
Доколку имате прашања во врска со симптомите на вашето дете, најдобро да се јавите кај матичниот лекар односно матичниот педијатар на вашето дете.

Дали децата имаат пониска стапка на заболување од COVID-19?

До сега, утврдено е дека многу мал број на деца се заразени во пандемијата во која се зафатени над 140,000 луѓе. Во последната студија направена во Кина од 745 деца, заразени биле само 10 и сите биле со благи симптоми на болеста. И уште една студија направена во јануари оваа година утврдила дека “децата имаат поголеми шанси да не бидат заразени со SARS-CoV2 и да ја добијат болеста, а ако сепак се заразат, симптомите ќе бидат во поблага форма”. Сепак, тоа не значи дека за децата не треба да важат истите препораки за заштита како и за возрасните бидејќи тие се исто преносители на вирусот.

Што треба родителите да направат доколку се сомневаат за COVID-19 кај своето дете? Како да постапат?

Најдобро е да се консултирате со вашиот матичен лекар или педијатар по телефон. Не треба да го носите детето на преглед во ординација. Педијатарот најдобро може да ја процени ситуацијата и да ви даде понатамошни насоки. Детето би требало да ја помине болеста многу лесно и да не биде потребен понатамошен третман. Во секој случај, доколку забележите дека ситуацијата се влошува, тогаш ќе ви бидат дадени понатамошни насоки во однос на лекувањето. Исто така се достапни за консултација епидемиолозите од Центрите за Јавно Здравје низ нашата земја на нивните телефонски линии.

„Децата треба да ги информирате за болеста со што поедноставни зборови кои би биле разбирливи за нивната возраст. Тоа да не биде во насока да предизвикате паника или дополнителна вознемиреност, туку да им се објасни опасноста, а со тоа тие би можеле да помогнат во понатамошно ширење на вирусот.“

Дали може болеста да се лечи дома?

Да, секако. Родителите треба да се консултираат со матичниот лекар или педијатар во однос на симптоматска терапија која ќе ја даваат на своето дете. Доколку болеста е со лесен тек, нема потреба од одење во ординација а со тоа и изложување на други деца на зараза.

Дали детето треба да е изолирано од другите членови на семејството?

Најдобро е детето да се изолира во посебна соба како би се спречило понатамошно ширење на болеста, а другите членови на семејството да ги применуваат основните препорачани хигиенски мерки.

Како ја поднесуваат болеста деца кои имаат астма, други хронични респираторни заболувања или се имуно компромитирани?

Децата кои имаат претходни хронични заболувања или се со компромитиран имунитет, може да имаат потешка и посериозна клиничка слика. Исто така кај оние со астма, симптомите како тешко дишење, краток здив па дури и појава на пневмонија не се исклучени.

Дали вирусот се пренесува од мајката на плодот во текот на бременоста или за време на породувањето (т.н. вертикална трансмисија)?

Пред десетина дена во Лондон, Велика Британија за прва пат беше нотирана и вертикална трансмисија на вирусот од мајка на новородено. Мајката пред породувањето била со позитивен тест на COVID-19 а веднаш по раѓањето тестот е направен и кај новороденчето и истиот бил позитивен. Мајката развила болест со потешка клиничка слика и била хоспитализирана на инфективно одделение во друга болница а бебето, за среќа поминало со полесна форма на болеста само со отежнато дишење но стабилни витални параметри. Така да, дефинитивно вирусот останува енигма за сите глобално и ова се нови искуства за кои допрва науката и научниците ќе даваат објаснување.

„Одделот за интензивна нега и терапија при Детската Клиника во Клинички Центар Скопје, располага со најсовремена опрема за третман на пациенти кај кои е неопходна интензивна нега и терапија.“

Дали постои вакцина за оваа болест и како може да ги заштитиме нашите деца?

За жал, сè уште сме далеку од откривање на вакцина која би била превенција од COVID-19, а нема ни специфична терапија која во моментот би делувала на причинителот на COVID-19 а тоа е SARS-CoV-2 вирусот.

Значи, најдобро ќе ги заштитиме нашите деца а и себе си ако им го кажеме следното:

  • Да ги мијат рацете редовно со сапун и вода во времетраење од минимум 20 секунди;
  • Да избегнуваат да се допираат по носот, устата и очите;
  • Да не се групираат во поголеми групи и да ги одбегнуваат детските игралишта;
  • Да избегнуваат контакт со заболени лица;
  • Да останат дома доколку се болни;
  • Да ја покриваат устата и носот со марамче ако киваат и потоа истото да го фрлат и да ги измијат рацете.

Децата треба да ги информирате за болеста со што поедноставни зборови кои би биле разбирливи за нивната возраст. Тоа да не биде во насока да предизвикате паника или дополнителна вознемиреност, туку да им се објасни опасноста, а со тоа тие би можеле да помогнат во понатамошно ширење на вирусот.

И за крај, дали вашиот оддел е подготвен и опремен со потребната апаратура и медицински персонал за третирање на децата од една ваква болест?

Одделот за интензивна нега и терапија при Детската Клиника во Клинички Центар Скопје, располага со најсовремена опрема за третман на пациенти кај кои е неопходна интензивна нега и терапија. Исто така, медицинскиот персонал, односно педијатрите и медицинските сестри кои работат на тој оддел се со долгогодишно искуство и се обучувани во најсовремените светски центри за таков вид терапија и постојано ги следат најновите препораки од релевантни научни институции во однос на лекување и други тераписки процедури.


Споделете со пријателите!