Печена пастрмка на компир и кромид
Дсите знаеме дека е добро да се јаде риба, барем еднаш неделно… или три пати. Едноставен и брз рецепт за печена пастрмка со компири и кромид. Вака испечен, кромидот е многу вкусен, стопен и сладок..
- 3 пастрмки, исчистени и измиени;
- 1 голем кромид;
- 3 компира;
- 3 – 4 чешниња лукче;
- свеж рузмарин;
- маслиново масло;
- сол, бибер;
- магдонос и други тревки;
- лимон (по желба).
Исечете ги кромидот и компирите на кругчиња со дебелина од околу 5 mm раздвојте го кромидот на прстени и наредете ги на дното на тавчето. врз него наредете ги кругчињата компир и ставете ги лукчињата, цели, неизлупени. Прелијте ги компирите со маслиново масло и посипете ги со сол, бибер и сецкан рузмарин. Ставете ги компирите и кромидот да се печат во рерна загреана на 200°C околу 20 – 25 минути.
Потоа ставете ги пастрмките врз компирите, посипете ги со сол и бибер од внатре и од надвор и ако сакате, наполнете ги со многу гранчиња свеж магдонос или други тревки. Врз нив можете да наредите по неколку кругчиња лимон. Вратете го тавчето во рерна и печете ги рибите околу 20 минути.
* рецептите со во целост преземени од ситно сецкано