Физичкиот и емоционалниот стрес го покачуваат нивото на хормонот на стрес кортизол што е најчеста причина за ослабен имунитет, појава на рак и други заболувања
Физичкиот и емоционалниот стрес го нарушуваат хормоналниот баланс во организмот, а најмногу покачување на нивото на хормонот кортизол. Овој хормон се излачува во надбубрежните жлезди и народски е познат како „хормон на стресот“. Тој е многу корисен кога наеднаш на телото му е потребен силен наплив на енергија (како на пример во ситуација на опасност, напад и сл.), за помагање на меморијата или пак, за потиснување на имуниот систем и др. Кортизолот е многу важен хормон што помага во регулирањето на инсулинот, крвниот притисок, правилното функционирање на имунитетот, ги контролира реакциите на воспалителните процеси и метаболизмот на гликоза.
Сепак, во прекумерни количини и кога на телото му е непотребен, овој хормон создава несакани последици. Во ситуации на хроничен стрес, вишокот на кортизол може да направи сериозни нарушувања и компликации поради ослабениот имунитет.
За да се избегнат штетните несакани последици од овој хормон, треба да го избегнуваме стресот, да му помагаме на нашето тело да се релаксира, да спиеме квалитетно и квантитетно, да ги избегнуваме прекумерните количини на кофеин, шеќер, никотин и алкохол.
За избалансирано физичко, ментално и емоционално здравје соодветната нутриционистика игра речиси клучна улога, бидејќи „ти си, тоа што го јадеш“. За намалување на штетните ефекти од вишокот кортизол во организмот, помагаат есенцијалните масни амино киселини, со активирањето на хормонот на среќа допамин. Покрај оваа особина, амино киселините имаат и бројни други придобивки, а им помагаат и на лицата заболени од Алцхајмерова болест и депресија.
