zavisnosta-od-shekjer-vlijae-na-celoto-telo
Споделете со пријателите!

Во умерени количини, шеќерот е од суштинско значење за здраво тело. Пред милиони години нашите предци го базирале опсатнокот на овошјата богати со шеќер. Овие шеќери, не само што им обезбедувале големи количини на енергија, но исто така, помагале во складирањето на маснотии, нешто што можело да биде разлика помеѓу животот и смртта за време на тешки времиња. Оние кои не консумирале доволно шеќер немале ниту енергија ниту физички способности да се репродуцираат и затоа не биле во можност да создадат наследници, а со тоа да ги предадат нивните гени на идните генерации.

Како резултат на тоа, човечкиот мозок се развил интересен механизам за опстанок: скоро ненаситна желба за благо. За жал, во модерното време ова еволутивно наследство почесто повеќе штети отколку што помага. Многумина конзумираат многу повеќе шеќери отколку што им е потребно за опстанок. Додека зголемувањето на телесната тежина и расипување на забите може да биде најмногу очигледни последици од прекумерното консумирање шеќер, постојат многу други „скриени“ ефекти на конзумирање на премногу слатки.

Срце

Кога се консумира, шеќерот влегува во крвта, а високото ниво на шеќер во крвта има негативни ефекти врз нашиот најважеи орган срцето. Истражувачите од Клиниката за срце, од Кливленд во студија објавена во списанието на Американското здружение за срце во 2013, откриле дека големи количини на шеќер, особено гликоза, предизвикуваат стрес на срцето и намалена функција на мускулот на срцето, кое доколку се остави нетретирано предолго води до срцева слабост.

Според Women’s Health, големите количини на фруктоза, вид на шеќер кој обично се наоѓа во вештачки засладената храна, го намалува нивото на „добриот“ холестерол. Ова може да предизвика производството на одреден тип на масти познати и како триглицериди, кои патуваат од црниот дроб кон артериите и го зголемуваат ризикот за доживување срцев или мозочен удар.

Мозок

Испитувањето спроведено на Универзитетот во Калифорнија од Лос Анџелес, откри застрашувачки врска меѓу прекумерната консумација на шеќер и здравјето на мозокот. Студијата покажува дека исхраната богата со шеќер влијае на намалување на нивото на хемикалијата позната како brain-derived neurotrophic factor (BDNF). Ова доведува до намалена способност ефикасно да се формираат нови спомени и да складираат нови информации. Според други истражувања, ниското ниво на оваа хемикалија, ја поврзуваат со  депресија и деменција.

Бубрези

Бубрезите играат важна улога во филтрирањето нашата крв, така да, високото ниво на шеќер во крвта може да предизвика прекумерна работа и последователно, оштетување на бубрезите. Големи количини на шеќер во крвта можат да бидат едни од главните фактори при заболување од тип 2 дијабетес. Долгите години на прекумерна филтрација на шеќери, сериозно ја доведува во опасност функцијата на бубрезите. Ова лесно може да прерасне во болест на бубрезите. Ако не се лекува, бубрезите целосно откажуваат. Лицата со бубрежна инсуфициенција на крајот можат да бидат принудени на трансплантација на органи или на живот со помош на машината за дијализа.

Прочитајте:  Знаеме ли што е добро за нашата кожа?

Црн дроб

Ни црниот дроб не е имун на ефектите на прекумерна консумација на шеќер. Исхраната која содржи висок степен на шеќери доведува до зголемување на мастите во црниот дроб, што пак во некои случаи, предизвикува воспаление на црниот дроб. Доколку проблемот не се лекува, предизвикува ист ефект врз црниот дроб како и претераната консумација на алкохол, што доведува до оштетување на ткивото или попознато како цироза. Најчестите причини за цироза на црниот дроб е алкохолот, а потоа следуваат замастувањето на црниот дроб предизвикано од лоша исхрана.

Сексуално здравје

Бидејќи големите количини на шеќер во исхраната влијаат на протокот на крв, прекумерна консумација на шеќер е исто така поврзана со еректилната дисфункција кај мажите. Во 2005 студијата на Факултетот за медицина при Универзитетот Џон Хопкинс откри дека еден специфичен шеќер влијае на серија на настани потребни за постигнување и одржување на ерекција. Шеќерот во крвта, О-GlcNAc, присутен во високи нивоа кај пациенти со дијабетес се поврзува со пречки на ензимот одговорен за успешна ерекција.

…и уште проблеми

Најлошата работа е тоа што проблемите во телото не застануваат тука. Воспалението предизвикано од преголема количина на шеќер може да доведе до болки во зглобовите, распаѓање на колагенот и еластинот во кожата, а сето ова го забрзува процесот на стареење и го зголемува на појавувањето на брчки на кожата.


Споделете со пријателите!