slab-imunitet-naruseno-zdravje
Споделете со пријателите!

На честите и нагли варирања на температурата не се имуни ниту здравите луѓе, со чај и витамин Ц ќе немате проблем со настинките
Променливите временски услови во овој период од годината значително ја пореметуваат внатрешната бариера на организмот алармираат невролозите. Секојдневно сме изложени на огромни количини микроорганизми (вируси, бактерии, микроби). Тоа го покажува и рекордно големиот број посети на пациентите кај своите матични лекари. Само за првите два месеца од годината во Македонија издадени се 1,3 милиони упати од страна на матичните лекари покажуваат податоците од Министерството за здравство. На честите и нагли варирања на температурата не се имуни ниту здравите луѓе.

Симптоми на слаб имунитет се: умор, воспаленија, алергии, споро зараснување на раните, хронична дијареја, како и инфекции – резултат на габични активности. За слаб имунолошки систем се одговорни и лошите еколошки услови, постојаниот стрес, недоволното движење, како и недостатокот на воздух и светлина во просториите.

Во просек за здрав имунолошки систем се смета оној организам кој не заболува од настинка (инфекции и воспаление) повеќе од два – три пати годишно.

Доколку организмот брзо се заморува, треба да се прилагодат работните обврски и да се избегнуваат тешки физички активности. За да се зачува здравјето и превентивно да се делува треба да се консумираат доволно течности и облекувањето да биде според надворешната температура. За зајакнување на имунитетот треба да се внесува и избалансирана храна без масти, но со многу овошје и зеленчук. Лекарите препорачуваат брусница која е богата со Ц витамин и полифеноли и претставува вистински чувар на здравјето и имунолошкиот систем, да се јадат суви сливи бидејќи содржат калиум, флуор и витамините А и К како и да се јадат јаткасти плодови особено ореви, бадеми и лешници. Треба да се пијат што повеќе витамински напитоци, тука се препорачува чајот од Шипка бидејќи е богат извор на антиоксиданси, протеини, минерали, натриум, а изобилува и флавоноиди како и со витамини Б12, Б2, Б1. Експертите велат дека треба редовно да се проветруваат дневните и работните простории, како и да се практикува вежбање и пешачење кои помагаат организмот да биде поотпорен. Нарушениот сон честопати знае да биде причина за нарушување на балансот на одбранбените функции на организмот, па затоа лекарите советуваат во текот на денот да се спие минимум по 8 часа.

Прочитајте:  Како Велигден помогна да се урне митот за чировите

Споделете со пријателите!