povrzanosta-pomegju-dijabetesot-amputacijata_image
Споделете со пријателите!

Периферната артериска болест, исто така, може да предизвика раните и инфекциите потешко и побавно да се лекуваат.
Кога едно лице боледува од дијабетес тоа е изложено на поголем ризик за многу здравствени проблеми коишто се поврзани со дијабетесот, вклучувајќи ја и ампутацијата на нога или стапало. Имено под ампутација се подразбира операција при која се отстранува некој екстремитет заради повреда, инфекција или болест.

„Дијабетесот е поврзан со состојба наречена периферна артериска болест.“

Дијабетесот е поврзан со состојба наречена периферна артериска болест (ПАОБ). Оваа состојба може да ги намали артериите кои носат крв во нозете и стапалата и да предизвика појава на чирови (отворени рани) и инфекции. Периферната артериска болест, исто така, може да предизвика раните и инфекциите потешко и побавно да се лекуваат.

Високото ниво на шеќер во крвта предизвикано од дијабетесот може да ги оштети нервите и крвните садови во телото. Тоа ги вклучува и оние во нозете и стапалата. Ако вашите нерви се оштетени, можеби нема да почувствувате болка или други симптоми на чиреви или инфекции. Ова го зголемува ризикот од сериозна инфекција или гангрена – состојби коишто може да резултираат со мртво ткиво. Во некои потешки случаи, единствениот начин на којшто лекарите можат да ја третираат инфекцијата или гангрената е да ја ампутираат или отстранат зафатената област.

Како да се намали ризикот од ампутација

Луѓето со дијабетес може да направат многу работи за да ги одржат своите нозе и стапала здрави и со тоа да избегнат посериозни инфекции што во краен случај може да доведат до неизбежна ампутација.

Ако имате дијабетес, особено е важно да се грижите за вашите нозе за да го намалите ризикот од ампутација. Оттука е важно секојдневно да ги проверувате своите нозе за да може навремено да забележите промени како:

  • Плускавци;
  • Рани;
  • Црвенило;
  • Бели точки или области;
  • Промена на боја на кожата.

Исто така, постојат и други работи на коишто треба да внимавате да ги избегнувате или практикувате за да го одржите здравјето на вашите нозе и стапала како:

Промена на температурата на стапалата

Доколку вашите стапала се постудени или потопли од вообичаеното, тоа исто така може да биде знак дека нешто не е во ред. Ако забележите некоја невообичаена промена или почувствувате нешто за коешто не сте сигурно дали е нормално, контактирајте го вашиот лекар.

Прочитајте:  Што треба а што не треба да јадете и пиете кога сте болни

Пушење цигари

Луѓето со дијабетес, исто така, треба да го избегнуваат пушењето цигари бидејќи тоа ги оштетува малите крвни садови и влијае на протокот на крв во нозете. Цигарите, исто така, може да го отежнат лекувањето на одредени делови од телото. Овие работи го зголемуваат ризикот од ампутација.

Удобни чевли

Повреда на стапалата или прстите од стапалата може да доведе до сериозни проблеми кај луѓето со дијабетес. Удобни чевли коишто ќе обезбедат добра заштита за стапалата се неопходни за избегнување на било каква повреда и појава на плускавци, рани и сл.

Посета на доктор

Доколку добро управувате со болеста и немате посериозни компликации доволно е да одите еднаш до два пати годишно на преглед кај вашиот доктор. Ако имате оштетување на нервите, можеби ќе треба да го посетувате вашиот ендокринолог почесто, односно секој на еден или два месеци. Тој може да помогне во одржување на шеќерот во крвта со тоа што ќе ви препише лекови и ќе ви препорача режим на исхрана и вежбање.

Доколку ампутацијата е неопходна да се изврши

Доколку се јави инфекција вашиот доктор најпрво ќе се обиде да ја третира со лекови. Тој нема да препорача ампутација, освен ако ткивото во ногата и стапалото не умира или е веќе мртво. Доколку е неопходна ампутација, вашиот хирург ќе го отстрани оштетеното ткиво на ногата или стапалото, притоа обидувајќи се спаси што е можно поголем дел од здравото ткиво.

Раната од ампутација понекогаш може да задравува и околу 2 месеци. По овој период вашиот ендокринолог може да ви помогне да управувате со шеќерот во крвта. Физички терапевт може да ви помогне да станете посилни и да научите да се движите наоколу. Понатаму по ампутацијата, исто така, од голема важност е справување со чувствата за што можеби ќе ви биде потребна помош од психотерапевт или психолог.


Споделете со пријателите!