4 начини да го изодите патот до понизок холестерол

Намалете го нивото на холестерол со неколку промени во исхраната 

Многу луѓе можат да го намалат нивото на холестерол едноставно со менување на тоа што го јадат. На пример, ако сте љубител на чизбургери, внесувањето на помало количество на месо и поголемо количество на зеленчук и овошје, може да го намали вашиот холестерол за 25 проценти или повеќе. Намалувањето на заситените масти (кои се наоѓаат во месото и млечните производи) и транс масти (делумно хидрогенизирани масла) може да го намали холестеролот за 5% до 10%.

Четири чекори за вашата исхрана кои доколку се применуваат, може да го намалат вашиот холестерол:

1. Јадете повеќе риба и јаткасти плодови

Избегнувајте ги заситените и транс мастите, а консумирајте ги незаситените масти. Повеќето растителни масти (масла) се составени од незаситени масти, кои се здрави за срцето. Храна која содржи здрави масти е мрсната риба, јаткасти плодови, семиња и одреден тип на зеленчуци. Во исто време, ограничете го внесувањето на храна богата со заситени масти, кои се наоѓаат во месото и млечните производи, секако држете се понастрана и од транс масти. Тука е вклучена и храната направена со „делумно хидрогенизирани растителни масла“.

2. Вашите оброци треба да содржат што повеќе растителни влакна

Внесувајте повеќе растворливи растителни влакна. Јадете повеќе растворливи влакна, кои може да се најдат во овесните снегулки и овошјето. Овој тип на влакна кога се вклучени во режимот на исхрана, доведуваат до намалување на нивото на холестерол во крвта. 

3. Внесувајте стероли и станоли

Внесувајте повеќе растителни стероли и станоли во вашата исхрана. Овие природни растителни состојки по структурата се слични на холестерол, но кога се консумираат тие помагаат во ограничувањето на количината на холестерол што вашето тело може да го апсорбира. Растителни стероли и станоли се наоѓаат во сé поголем број на прехранбени производи, како што се разни типови на намази, сокови и јогурти.

4. Водете се според свој режим на исхрана

Пронајдете режим на исхрана кој најдобро ви одговара. Режимот на исхрана кој му помогнал на вашиот пријател да го намали холестеролот не значи дека ќе ви помогне и вам. Во прашање се генетски и физички предиспозиции кои секој од нас ги поседува, не постои „универзален режим“ за исхрана за намалување на нивото на холестерол во крвта. Најчесто е потребно да пробате неколку пристапи за да го најдете оној кој најмногу ви одговара вам.

Режимот на исхрана може да биде едноставен и моќен начин за подобрување на нивото на холестерол во крвта.

Режимот на исхрана кај некои луѓе помага повеќе, а кај некои не, но не треба да се обесхрабрувате доколку сте следеле одреден режим и не сте успеале да ја постигнете вашата цел – да го намалите нивото на холестерол во крвта. Важно е да продолжите, дури и ако ви препишат одредени лекарства за да го држите нивото на холестерол под контрола, најверојатно дозата ќе биде далеку помала доколку направивте промени во исхраната.