Во различни периоди, во Светот се популарни различни диети. Се прашувате зошто? Слично како со модните трендови, со трендовите за вежбање, со трендовите за шминка и така натаму, диететските трендови се многу тесно поврзани со прехранбените индустрии и всушност претставуваат добро сокриен маркетиншки трик.
Кога станува збор за држење на соодветен режим на исхрана, многу од совесните потрошувачи слушајќи ги советите на нутриционистите, заклучуваат дека протеините се многу важни, особено пилешкото месо. Диететските трендови, како што е неодамна дебатираната Палео диета (Ниско-јаглехидратна диета или Low-carb диета), инсистираа на важноста од јадење многу месо. Истовремено, потрошувачите започнаа сè повеќе да го одбегнуваат црвеното месо, што доведе до поголема потрошувачка на белото месо (пилешкото).
„Постои одредено гледиште дека протеините се добри за здравјето, но јас не сум сигурен од каде тоа дошло“, вели Моди Муатцама – Modi Mwatsama, директор за глобално здравје при Британскиот Здравствен форум – UK Health Forum. „Toa секако дека е добар маркетиншки трик“ – додава таа.
Протеините се клучна нутритивна состојка на секоја здрава диета, но Американската администрација за храна и лекови – FDA препорачува дневен внес од 50 гр протеини за возрасни, а не 75 гр како што многумина во Европа и Америка претпочитаат да јадат.
Не е чудно да се биде збунет, покрај толку разнолични мислења, од кои секое е „гарантирано“ исправно…
Според Данкан Вилиамсон – Duncan Williamson, советник за храна, проблемот се влошува со ограничениот опсег на протеини што ги јадеме. „Некои луѓе не сфаќаат дека може да се внесуваат протеини од растително потекло и од риба“ – додава тој. „Треба да јадеме помалку протеини, но од повеќе разновидни извори“.
Пилешкото месо може да биде алтернатива за црвеното месо со ниско заситени масти, но само доколку не се јаде кожата и мрсните делови и доколку се избегне пржењето, велат експертите.
Муатцама истакнува дека оние кои строго се придржуваат до високо-протеинските диети, како диетата Аткинс и Палео диетата, ризикуваат да се здобијат со долгорочни здравствени проблеми. Долгорочното придржување кон високо протеинските диети, може да доведе до зголемен ризик од болести на дебелото црево, додека пак, ниско-јагленхидратните диети исто така се поистоветуваат со поголема смртност од кардиоваскуларни заболувања.
Наместо да се зголемува консумацијата на пилешко месо, Муатцама ги советува луѓето да се префрлат на поздрави извори на протеини со малку или без заситени масти. Такви извори на пример се: мешунките, гравот, леќата, наутот, кои истовремено претставуваат и одличен извор на растителни влакна.
[interaction id=”562f683e41d4754d14a88bd4″]„Од гледна точка на климатските промени, диетите базирани на растителна основа секој пат победуваат“ – вели Марион Нестле – Marion Nestle, професор по нутриционистика и јавно здравје при Универзитетот во Њу Јорк – New York University. „Растенијата имаат многу протеини и тие протеини се доволни по квалитет сè додека храната е разнолична – комбинирање на грав и ориз на пример“ – додава тој.
Научниците од ОН сугерираат дека доколку останатите делови од светот започнат да ги следат Европејците и Северноамериканците во поглед на нивните нивоа на консумација на протеини, возможно е да немаме доволно растителни култури, земјиште и вода за прехрана на неопходниот добиток.
