Kefirot-kako-super-hrana_image1
Споделете со пријателите!

Кефирот сè почесто е застапен на трпезата кај оние кои внимаваат на својата исхрана а постојат многу причини зошто е тоа така
Кефирот сè повеќе се консумира и веќе станува светски тренд. И тоа е добра работа, бидејќи тој е еден од најздравите пијалаци. Неговата основа е кефирна габа на која се додава млеко. Млечниот пијалак кефир,  се добива по пат на природна ферментација на млекото и е готов после најмалку 24 часа, откако габата ќе се стави во млекото. Содржи мноштво добри бактерии кои ги уништуваат лошите бактерии и се важни за одржување на имунитетот. Современиот начин на исхрана најчесто значи процесирана храна, шеќер и нездрави масти, кои што ги уништуваат корисните бактерии во желудникот, при што се појавуваат дигестивни проблеми.

Придобивки од пиење кефир

Подобар од јогурт – Кефирот е подобро решение од јогуртот, бидејќи содржи околу педесет корисни бактерии, за разлика од јогуртот кој содржи две;

Добар за дигестија – содржи малку лактоза, што значи дека е полесен за варење. Го поддржува дигестивниот систем на природен начин и е добро решение за сите оние кои имаат проблеми со варење на храната;

Изобилува со хранливи материи – содржи многу калциум, витамини и минерали;

Добар е за кожата – нормалната работа на цревата се одразува преку кожата. Се претпоставува дека кефирот помага при хронични заболувања како егзема, акни и розацеа;

Помага – при габични инфекции, алергии, астма, псоријаза, реума, артритис, го намалува крвниот притисок, а исто и шеќерот и холестеролот.

Кефир за вегани

И оние кои не консумираат млечни производи, можат да пијат кефир, бидејќи може да се направи и воден кефир, кој е подеднакво корисен за организмот, но не содржи калциум и магнезиум, како и некои бактериски култури кои што се застапени во млечниот кефир. Исто така, веганите би можеле да користат и кокосово млеко, со кое кефирот добива необичен вкус кој е подеднакво здрав.

Прочитајте:  Пробиотици – нов природен пристап во третман на Helicobacter pylori

Направете домашен кефир

Може да користите било какво млеко, а најдобар избор е да набавите домашно млеко. За 250 мл млеко употребете една мала лажица кефирни зрнца и оставете ги да отстојат во млекото кое е во стаклен сад (бокал), најмалку 24 часа на собна температура. На овој начин ќе имате свеж кефир секој ден. Доколку сакате габата поспоро да се развива, можете да ја ставите на поладно место или дури и во фрижидер. Кефирот можете да го пиете како пијалак, но и како додаток на смути, за да направите каша со овесни снегулки и дури може да се користи наместо квасец за подготовка на леб, иако му е потребно малку повеќе време за лебот да нарасне.

Кое време да се пие кефир

Најдобро е да се напиете кефир наутро за да започнете со доза на пробиотици, и да немате проблем со варењето на храната во текот на целиот ден. Оваа навика е корисна и за оние кои немаат време да појадуваат, па кефирот ќе им го заштити и обложи желудникот. Исто така, тој е добро решение и како пијалак пред спиење доколку почувствувате глад.


Споделете со пријателите!