dosadna-nastinka-ili-mozebi-imate-smrtonosen-virus-od-zapaden-nil
Споделете со пријателите!

Покачена температура, главоболки и замор, болка во грлото, грбот, мускулите и зглобовите… Ова се симптоми кои секој од нас може да ги препише на обична настинка и никој од нас не им придава големо значење, сепак, станува збор за опасна болест чија стапка на смртност е повисока кај постарите лица, особено кај луѓето над 75-годишна возраст
Вирусот Западен Нил е причинител на истоимената треска, сезонски болест која е најзастапена во периодот на најголема активност на комарците. Овие мали и досадни инсекти ја пренесуваат болеста на луѓето откако претходно имаат каснато заразена птица. Првите заболени од оваа болест се регистрираат главно во втората половина на јули, а најголем број на заболени лица има во август и септември.

До почетокот на август 2015 година во Европа се регистрирани седум случаи на заболени од треската на Западен Нил: четири лица во Италија, по еден еден Романија и Бугарија, и од скоро еден случај во Србија.

„Во моментов не постои соодветна вакцина за заштита на луѓето од вирусот Западен Нил.“

Според здравстените организации, повеќето поединци, заразени со вирусот Западен Нил немаат никакви симптоми и знаци на болеста. Но, кај мал процент на заболени лица (од 10 до 20 %) симптомите наликуваат на грип: телесната температура нагло се зголемува, проследена со главоболки и замор, болка во грлото, грбот, мускулите и зглобовите. Оваа болест понекогаш предизвикува благ и минлив осип и зголемување на лимфните јазли, а по овие проблеми обично се лицето оздравува. Меѓутоа, кај некои поединци, особено постарите, вирусот Западен Нил може да предизвика сериозна болест, која делува на мозочното ткиво. Кога болеста предизвикува воспаленија на мозокот како  асептичен менингитис или енцефалитис, станува збор за неуроинвазивна форма на болеста, за што е потребна хоспитализација. Доколку се појават првите знаци на енцефалитис како треска, мускулна слабост и/или конфузија, потребно е веднаш да се побара лекарска помош. Симптомите на оваа варијана на болеста се: треска и главоболка, вкочанет врат, ступор (тупост), дезориентираност, кома, тремор, конвулзии (наизменично грчење и релаксација на мускулите на телото, што предизвикува тресење на телото на пациентот),  мускулна слабост и парализа. Во многу тешки случаи на треската може да предизвика трајно оштетување на нервите, па дури и да биде фатална, понекогаш и по лекување на инфекцијата доведува до губење на меморијата, тешкотии при одење, мускулна слабост и депресија.

Прочитајте:  Сајберхондрија - неоснована здравствена грижа за личното здравје

За лекување на треска на Западен Нил не постои специфична терапија. Во тешките случаи на заразени лица третманот на вирусот се врши во одделот за интензивна нега и со обилна употреба на инфузија и храна, регулирање на дишењето (доколку е потребно и употреба на респиратор) како и стабилизација на кардиоваскуларниот систем.

Со цел да се спречат компликации и секундарни инфекции (пневмонија, инфекции на уринарниот тракт…) при третманот се применува и соодветна симптоматска терапија со антибиотици, кардиотоници, анти-едематозни дроги, антиепилептици и други лекови.

Во моментов не постои соодветна вакцина за заштита на луѓето од вирусот Западен Нил.


Споделете со пријателите!