kako-da-go-podobrite-nivoto-na-holesterol_image
Споделете со пријателите!

Зголеменото ниво на ЛДЛ холестеролот во крвта се третира со терапија, но може да се намали и со промена на животните навики
„Холестеролот е масна супстанција која го создава црниот дроб од заситените масти внесени преку исхраната“
Холестеролот е масна супстанција која во најголем дел се произведува во телото. Ја создава црниот дроб од заситените масти внесени преку исхраната. Организмот го користи холестеролот за синтеза на хормони,  витамини (А, Д и Е),  киселини во жолчното ќесе. Тој помага при изградбата на нови клетки, и ги изолира нервите. Цели 80 проценти од целокупниот холестерол самиот организам си го создава, а се внесува и преку исхраната. Комбинациите на холестерол и протеини се нарекуваат липопротеини. Постојат две главни форми на липопротеини:

  • Липопротеини со ниска густина – ЛДЛ кои го носат холестеролот од црниот дроб до клетките („лош“ холестерол);
  • Липопротеини со висока густина – ХДЛ кои го враќаат вишокот на холестерол во црниот дроб („добар“ холестерол).

Според податоците на Светската здравствена организација, 54% од жителите на Европа, и тоа подеднакво мажите и жените, имаат зголемен „лош“ холестерол.

kako-da-go-podobrite-nivoto-na-holesterol_image1Зголеменото ниво на холестерол во крвта не е секогаш поврзано со зголемената телесна тежина. Заблуда е дека само луѓето со покачена телесна тежина  имаат зголемен холестерол во крвта. Кај половина од пациентите со зголемено ниво на холестерол во крвта, причина за тоа е неправилната исхрана, а кај другата половина од нив, причина е генетската предиспозиција.

Зголемениот холестерол во крвта сериозно го нарушува здравјето и е еден од најчестите причинители за кардиоваскуларни проблеми. Колку е повисоко нивото на холестерол, толку е побрзо создавањето атером, а со тоа станува и поголем ризикот од срцево заболување.

Прочитајте:  4 начини да го изодите патот до понизок холестерол

Зголеменото ниво на ЛДЛ холестеролот во крвта се третира со терапија, како и со промена на животните навики. Еве неколку од нив:

Повеќе оброци дневно

Едно истражување утврдило дека луѓето кои што јадат шест или повеќе мали оброци дневно, имаат пониски вредности на ЛДЛ холестерол за 5 проценти, во споредба со оние кои што јадат еднаш до двапати дневно. Воведувањето на оваа навика го намалува ризикот од срцево заболување за 10 до 20 проценти.

Консумирајте црно чоколадо

Редовното јадење на темно чоколадо го зголемува нивото на добриот холестерол до 14 проценти.

Јадете грејпфрут

Само еден грејпфрут дневно може да го намали стеснувањето на артериите до 46 проценти, намалувајќи го ЛДЛ холестеролот за повеќе од 10 проценти, а воедно ќе ви помогне да го намалите крвниот притисок.

Останата храна за регулирање на холестерол: овес, риба, ореви, маслиново масло, јаболка, јагоди, грав, леќа, соја, авокадо, зелен чај.

Зголемете ја издржливоста

Јапонски истражувачи утврдиле дека со физичка активност од 20 минути дневно, се зголемува ХДЛ холестерол. Видот на вежби не прави разлика. Секако, не очекувајте резултати доколку вежбате една недела. Постојаната физичка активност треба да стане дел од вашиот животен стил.

Спојот на здравата исхрана богата со свежо овошје и зеленчук, редовната физичка активност, ослободување од штетните навики и намалување на стресот, се неопходни фактори за одржувањето на нормалното ниво на холестеролот во крвта.


Споделете со пријателите!