zosto-pojadokot-e-najvazen-obrok-vo-tekot-na-denot
Споделете со пријателите!

Утринската паника и брзање се најчеста причина за прескокнувањето на најважниот оброк. Исто така, многумина наутро не чувствуваат глад, па затоа не појадуваат. Истражувањата покажаа дека децата кои редовно појадуваат имаат подобри резултати на училиште.
Научните студии потврдуваат дека училишниот појадок е клучот за идните успеси кај учениците. Ова важи за сите, не само за децата, туку и за возрасните и доколку до сега не сте го практикувале ова вечно правило, никогаш не е доцна да ги промените своите животни навики и да појадувате за да бидете поздрави.

„Појадокот го обезбедува телото и мозокот со потребното гориво за почетокот на денот“

Организмот е создаден на тој начин што сака да прима храна неколку пати во текот на денот, во различен сооднос во зависност од периодот на денот и според индивидуалните потреби. Без разлика според кој концепт на исхрана живееме, појадокот е најважниот оброк во текот на денот бидејќи наутро секогаш е потребно повеќе енергија, што ќе ја трошиме во текот на целиот ден. Од ова правило исклучок се само луѓето кои работат ноќе, а спијат во текот на денот. Но и кај „ноќните птици“ првиот оброк после неколкучасовното спиење е најважниот.

Појадокот не е пожелно да се прескокнува

Треба да се појадува квалитетно и тоа секој ден, па дури и кога сè уште не сме доволно огладнети за да ставиме нешто во уста. Практично сè што ќе консумираме наутро ќе го потрошиме до вечерта. Следствено на ова, вечерата треба да биде најмалиот оброк со најмалку хранливи вредности и најмалку калории, па дури таа може и да се прескокне, бидејќи кога телото спие и се одмора, не му е потребно многу енергија. Храната што ја внесуваме навечер пред спиење, најчесто не може да биде потрошена и таа се таложи во мастите.

Јадењето на слатки печива за појадок е лоша идеја

Заради таков појадок може да се случи луѓето да прескокнат квалитетен оброк полн со хранливи состојки, бидејќи шеќерот ќе им даде доволно енергија за работниот ден, но нема да им ги даде сите потребни хранливи елементи. Доколку навистина немате време да појадувате пред да излезете од дома, постојат многу лесни и брзи идеи за првиот оброк кои може да ги изедете одејќи на работа или на училиште.

Појадокот е добар за слабеење

Секојдневно појадокот треба да биде најквалитетниот оброк. Прескокнувањето на појадокот е многу честа стратегија кога луѓето слабеат, но не е најпаметна. Слабеењето со прескокнување на оброци не е здрав начин на губење на килограмите, бидејќи така изгубените килограми лесно се враќаат. Телото на човекот очекува енергија неколку пати во денот, а сè започнува со здравиот појадок. Всушност, луѓето кои појадуваат веројатно во текот на целиот живот ќе задржат здрава телесна тежина.

Луѓето кои наутро не појадуваат и се трудат да бидат гладни во текот на целиот ден, а јадат обилно пред спиење, со намера дека ќе симнат некое килце, всушност многу се лажат и го постигнуваат спротивниот ефект.

Тие на својот организам му прават шок – секое изгладнување е причина телото да акумулира поголеми резерви на храна во мастите после секој внесен оброк, а храната изедена навечер едноставно телото нема каде да ја потроши и повторно ја складира во масти.

Прочитајте:  Интолеранцијата на лактоза поврзана со недостаток на витаминот Д

Појадувањето има долготрајни позитивни здравствени последици

Појадокот го обезбедува телото и мозокот со потребното гориво. Без првиот оброк, функционираме на празно, имаме послаба концентрација, сме пораздразливи и понапнати и многу го оптоваруваме својот мозок и тело. Нутриционистите препорачуваат дека појадокот треба да биде изеден најдоцна два часа откако сме се разбудиле, а здравиот појадок треба да нè обезбеди со 20-35% калории од препорачаниот дневен внес. Покрај спречувањето на дебелината, појадувањето спречува и многу потенцијални болести.

ПРОЧИТАЈТЕ:
Концепти на исхрана – Проф. Д-р Гоце Василевски

Споделете со пријателите!