Помалку од 50 луѓе ширум светот имаат златна крв!
Ние ја истражуваме историјата на крвните групи односно како тие се класифицирани за да откриеме што го прави типот Rh-нула важен за науката.
Помалку од 50 луѓе ширум светот имаат „златна крв“ – или Rh-нула.
Крвта се смета за Rh-нула, ако им недостасуваат сите 61 можни антигени во Rh системот. Исто така е многу опасно да се живее со оваа крвна група, бидејќи многу малку луѓе ја имаат.
Мало потсетување:
Ни требаше некое време да ги сфатиме сложеноста на крвта, но денес, знаеме дека оваа супстанција која го одржува животот се состои од:
- Црвени крвни клетки – клетки кои го транспортираат кислородот до секоја клетка и го отстрануваат јаглеродниот диоксид од целото тело;
- Бели крвни клетки – имунолошки клетки кои го штитат организмот од инфекција;
- Тромбоцити – клетки кои помагаат во згрутчување на крвта;
- Плазма – течност што носи соли и ензими.
Секоја компонента има важна улога во функцијата на крвта, но црвените крвни клетки се одговорни за различните крвни типови. Овие клетки имаат протеини што ја препокриваат нивната површина т.н антигени, а со присуството или отсуството на одредени антигени се одредува крвна група – тип А, крвта има само А антигени, тип Б само Б, тип А и двете, и тип О ниту еден.
Во светот постојат 35 различни системи за класификација на крвните групи, а најголемиот т.н. Резус систем, разликува вкупно 50 антигени!
Црвените крвни клетки имаат еден антиген наречен RhD протеин. Кога е тој е присутен, се вели дека крвната група е RhD+; кога е отсутен, се вели дека е RhD-.
Повеќето луѓе се Rh позитивни, а се проценува дека само 15% од популацијата се Rh негативни.
Ако имунолошкиот систем препознае антиген, не предизвикува никаква реакција, бидејќи го третира како свое.. Ако не препознае антиген, смета дека е туѓо и веднаш почнува да ги иницира системите за одбрана на телото и го уништува напаѓачот.
Што значи тоа?
Ако некое лице со крв од тип А прима трансфузија на крв од типот Б, имунолошкиот систем нема да го препознае како свое, и ќе го нападне поради некомпатибилност на крвните групи. Ова е причината зошто толку многу луѓе или се разболеле или умреле при трансфузија пред брилијантното откритие на Ландштајнер!
Ландштајнер се смета за татко на трансфузиологијата и еден од најголемите биохемичари на сите времиња! Тој ги пронашол крвните групи и резус факторот на крвните групи. Развил модерен систем на класификација на крвните групи и нивна идентификација.
Зошто луѓето со О негативна крв се сметаат за „универзални донори“? Бидејќи на нивните црвени крвни клетки им недостасува А, Б и RhD антигени, имуните системи немаат начин да ги препознаат овие клетки како страни и не предизвикуваат никаква реакција.
Она што ја прави оваа крв посебна е фактот што е значително подобра како универзален донатор дури и од крвната група О, и е компатибилна со сите други ретки крвни групи, но, за жал, во светот постојат вкупно девет живи донатори.
Сите знаеме за сина или кралска крв, но сте слушнале ли можеби за златна крв?
Најретката крвна група е RH нула, која нема ниту еден од 50 антигени од резус системот! Резервите на оваа крв се толку мали, и името „златна крв“ е оправдано. Ретката крвна група во 1961 година за првпат е откриена кај една Абориџанка.
Ова е причината зошто се смета за „златна крв“ која вреди да се добие нејзината тежина во злато.
Златната крв е неверојатно важна за медицината, но исто така е многу опасна за живеење. Ако на поединецот со Rh-нула му е потребна трансфузија на крв, може да биде тешко да се лоцира донатор, а крвта е особено тешко да се транспортира бидејќи постојат само мал број на носители. Носителите на Rh-нула се охрабруваат да даруваат крв како осигурување за себе, но со толку малку донатори кои се шират низ целиот свет и колку често можат да донираат, ова може да стане и потенцијална потешкотија.
Дали во некој околу вас се крие можеби златната крв?
