Краставицата нуди неизбежно освежување и задоволување на потребите од хранливи материи
Иако многумина мислат дека краставицата е зеленчук, сепак станува збор за овошје, колку чудно и да звучи тоа. Се состои од 95% вода, што значи дека е одлична за хидрирање во текот на летото. Се препорачува да јадете краставица секој ден за да можете да ги почувствувате сите придобивки од богатството на хранливи материи кои ги содржи.
Во краставицата се наоѓаат витамин К, Б витамини, витамин Ц, калиум и манган. Ова значи дека нема да имате потреба да се справувате со недостаток на хранливи материи во организмот. Краставицата содржи и полифеноли кои можат да помогнат во намалувањето на ризикот од хронични заболувања.
Кората на краставицата содржи најголем дел од сите хранливи материи што се наоѓаат во краставицата. Во краставицата ќе ги најдете: витаминот Ц, витамин А, витамин К, калиумот, растителни влакна, магнезиум и манган.
Што е тоа што ја прави краставицата полезна за нашето здравје?
Краставицата се бори против брчките и против стареењето на кожата. Таа има смирувачко и разладувачко дејство врз кожата, го намалува отокот, иритацијата и воспалението на кожата кога се става директно на неа. Краставицата може да се стави директно на очите и е одлична за намалување на подочниците, а се става и на болните места на кожата за да ги олесни последиците од изгореници од сонце.
Краставицата го заштитува мозокот. Содржи фисетин, состојка која има анти-воспалително дејство и која е од особено значење за здрав мозок. Ја подобрува меморијата и ги заштитува нервните клетки.
Краставицата го намалува ризикот од појава на рак благодарение на полифенолите (лигнани и кукурбитацини) кои се наоѓаат во нејзиниот состав. Полифенолите наречени лигнани го намалуваат ризикот од појава на рак на дојка, на јајници и на простатата. Кукурбитацините се особено интересни за научниците затоа што во многу истражувања се покажале како доста ефикасни против клетките на ракот. Кукурбитацините го попречуваат проширувањето на канцерогените клетки во панкреасот. Тие дејствуваат на таков начин што го попречуваат проширувањето на канцерогените клетки така што ги тераат да се самоубијат.
Се бори против воспаленија. Го чисти организмот од отпадните материи во организмот и ја намалува иритацијата на кожата. Хранливите материи во краставицата делуваат анти-воспалително бидејќи го загрозуваат дејството на ензимите кои предизвикуваат воспаление.
Краставицата содржи и антиоксиданти како што се витаминот Ц, бета-каротинот и флавоноиди-антиоксиданти кои што го намалуваат ризикот од хронични заболувања, вклучувајќи ги и срцевите заболувања, и го намалуваат ризикот од појава на рак. Витаминот Ц е одличен за имунолошкиот систем, додека пак бета-каротинот е одличен за видот.
Краставицата го освежува и здивот. Одлична е за елиминирање на бактериите во устата кои предизвикуваат лош здив.
Ни помага да се справиме со секојдневниот стрес. Витамините Б1, Б5 и Б7 влегуваат во составот на краставицата и се познати по нивното смирувачко дејство при справување со стрес.
Краставицата помага за добро варење на храната. Содржи многу вода и растителни влакна кои најмногу ги има во кората. Благодарение на растителните влакна, храната побрзо се движи низ дигестивниот тракт.
Одлична е кога сакаме да се одржиме во добра форма. Содржи многу малку калории и е најдобриот избор кога станува збор за одржување на здрава телесна тежина. Во нејзиниот состав има најмногу вода, а тоа е одлично за дополнителна хидратација при вежбање.
Краставицата содржи калиум кој го намалува високиот крвен притисок. Калиумот го има и во бананата на пример, но краставицата содржи многу малку калории, а сепак содржи калиум кој е од особено значење за здраво срце.
Витаминот К што го има во краставицата е одличен за здрави коски и е многу важен при процесот на згрутчување на крвта. Нашето тело користи витамин К при формирање на коските. Во „соработка“ со витаминот Д, ја зголемува густината на коските.
Не чекајте повеќе. Освежете се со парче краставица уште веднаш.
