Дали знаете дека Американците имаат Ден на овесот?
Овесот има висока биолошка вредност, а добрата вест е дека сè повеќе започнува да се користи во исхраната и тоа најмногу како појадок. Друга причина зошто токму овесните снегулки се едни од најпопуларните избори за здрав појадок, е нивното брзо и едноставно приготвување. Тие најчесто се јадат со јогурт, млеко, мед и овошје. Овесот е богат со белковини (12%), есенцијални аминокиселини, како и многу витамини и минерали. Поради содржината на многуте хранливи материи, тој треба да биде еден од главните придружници на главната трпеза.
Факти за овесот што не сте ги знаеле:
1. Идеален појадок
Неколку истражувања покажале дека јадењето овесни снегулки го намалува гладот и ве држи сити до ручекот. Според „Индексот на ситост“ (систем на рангирање во однос на тоа колку долго ве држи сит одредена храна), создаден од австралиските истражувачи, овесот е храна број 1 при избор за појадок и на трето место на рангирање на сите видови на храна.
2. Го намалува ризикот од срцеви заболувања
Постојат повеќе од 37 научни студии кои што имаат докажано дека редовното јадење овес како дел од диететски режим со ниско ниво на заситени масти, помага во намалување на ризикот од срцеви заболувања.
3. Има свој ден
Во САД се слави Национален ден на овесот и на овој ден Американците уживаат во нивниот омилен појадок.
4. Содржи антиоксиданси
Најзастапено мислење е дека овошјето и зеленчукот содржат најмногу антиоксиданси. Вашата дневна доза на овесни снегулки исто така ве снабдува со антиоксиданси, поточно содржи авенантрамиди, кои што ги нема во другите житни растенија.
5. Изобилува со бета-глукан
Овесот изобилува со хранливи влакна, а најмногу со бета-глукан, кој е моќен имуностимулатор. Тоа значи дека овесот ја подобрува функцијата на имуниот систем. Повеќе истражувања откриле дека консумирање на 3 грама овес дневно (една шолја) може да го намали холестеролот од 8 до 23 проценти. Исто така, бета–глуканот го стабилизира нивото на шеќер во крвта.
6. Старите Грци го користеле за нега на кожа
Овесот е идеален за нега на кожата и благодарение на добриот баланс на аминокиселини и антвоспалителните својства, ја одржува природната влага на кожата. Неговата употреба за нега на кожата е позната уште од времето на Старите Грци, кои што правеле овесни купки за ублажување на кожни иритации предизвикани од изгореници од сонце, егзема, осип, акни, убоди од инсекти. Бидејќи е хипоалергенски, во комбинација со млеко, се препорачува за чистење и пилинг на лице.
7. Ве прави поиздржливи при вежбање
Британски истражувачи открија дека овесните снегулки ја зголемуваат издржливоста при вежбањето доколку се јадат околу три часа пред да започнете со вежбање. Овесот го поттикнува телото побрзо да топи маснотии за да ги „нахрани“ мускулите.
8. Помага при превенција на рак на дојка
Според студијата објавена во International Journal of Epidemiology, јадењето овес и овесни снегулки за појадок, помага да се превенира рак на дојка. Поточно, жените кои се во период на предменопауза, а консумираат исхрана богата со хранливи влакна добиени од полни зрна, како овесот, го намалуваат ризикот за 41 процент.
