vrakanje-vo-forma-po-bremenosta_images
Споделете со пријателите!

Зацврстување на телото по породувањето бара планирање и упорност затоа ви нудиме неколку практични совети
По раѓањето, диета е последното нешто за коешто треба да размислувате. Со мали исклучоци, сите жени во првата година после бременоста, се чувствуваат неудобно во своето тело, па размислуваат како најбрзо да го отстранат вишокот на килограми. Во овој животен период, слабеењето не е едноставно ниту брзо, затоа, доколку сакате да стекнете кондиција и да зајакнете, најпрво треба да направите план, а не едноставно да не јадете. Запомнете дека бременоста и раѓањето се природни животни процеси и телото има свои механизми на опоравување. Научете го своето тело и знајте што му е потребно. Не се преоптоварувајте физички ниту психички, без брзи диети и екстремни фитнес режими, доколку сте упорни и трпеливи, резултатите ќе се видат.

За разлика од диетата, вежбањето по породувањето е корисно не само за намалување на тежината, туку и за добивање на енергија која им е многу потребна на мајките. Вежбањето во овој период, исто така, штити од постпородилна депресија.

Позитивна претстава за себеси

Како родител, вие имате најпрво должност да пренесете корисни и здрави навики на вашето дете. Така, начинот на кој се доживувате себеси и како се прифаќате со сите доблести, маани и физички несовршености, неминовно ќе се одрази врз вашето дете во текот на животот. Игнорирајте ги објавите по весниците за тоа која актерка изгубила 20 килограми по два месеци после породување и потрудете се да го научите вашиот природен биоритам. Телото ќе ви даде до знаење кое е подготвено да се зацврсти. Првите месеци по породувањето се за одмор на телото, а не за вежбање.

Охрабрете го целото семејство поздраво да се храни

На новите родители, на почеток им е многу тешко да внимаваат на храната и оброците, бидејќи живеат и се грижат за себе во паузите додека нивното малечко спие. Внесување секогаш здрава храна знае да биде предизвик овој период, затоа е најдобро кога се работи во тим. Охрабрете ги останатите членови во семејството да започнат повеќе да се грижат за квалитетот на храната што ја внесуваат и правете неделен план за тоа што ќе ручате секој ден. На овој начин, нема да внесувате брза храна која што изобилува со „празни калории“, кои што всушност многу побрзо ве огладнуваат.

Прочитајте:  Зошто викендот треба да трае три дена

Кои вежби се најдобри

За да се изгубат наталожените килограми после породувањето, треба да практикувате вежби кои што ќе ви го забрзаат пулсот и добро ќе ве испотат во временски интервал од половина час, три пати неделно. На почетокот, избегнувајте поинтензивни активности како скокање или трчање на пример, бидејќи лигаментите и зглобовите се сè уште нежни. Трчањето се препорачува после деветтиот месец после породувањето (може и порано, но тоа зависи од физичката кондиција).

vrakanje-vo-forma-po-bremenosta_images1

Брзо пешачење

Оваа активност е многу делотворна, доколку правилно се изведува. Исто така, оваа активност може да ја изведувате додека го носите вашето бебе. Внимавајте на позицијата на телото, одете исправени со опуштени рамења и лакти. Продолжете го чекорот повеќе од вашиот нормален од за да ги зацвртите нозете и бутовите и да одржите оптимална брзина.

Пилатес или јога

Пилатесот и јогата се одличен начин за зацврстување и флексибилност на целото тело, но ќе ви бидат потребни и дополнителни аеробични вежби за забрзување на пулсот. Идеална комбинација би била, доколку можете да направите комбинација од пилатес и полесни кардио вежби. Знајте дека некои вежби во пилатес, не се погодни за жени после породување, така што, погрижете се да вежбате кај квалификуван инструктор кој ќе ги прилагоди вежбите според вашите потреби.

Пливање

Пливањето е најкорисната вежба, бидејќи го зацврстува целото тело и постои минимален ризик од повреди. Исто така, пливањето е добро за зацврстување на градите по породувањето. Не се форсирајте да испливате колку можете повеќе, туку внимавајте да пливате правилно за да постигнете најдобри резултати. Поврзано со активности во вода, добра опција е и аква аеробик. Најдоброто од сè, е дека активностите што се изведуваат во вода, најдобро опуштаат и релаксираат.


Споделете со пријателите!