Одговорот на ова прашање можеби е по малку изненадувачки
Пресметките кои покажуваат што всушност се случува со мастите кога губиме телесна тежина беа објавени во Британскиот Медицински Журнал во студијата на истражувачот Ruben Meerman и професорот Andrew J Brown.
Тоа што веќе го знаеме е дека вишокот калории од она што му е потребно на телото се складираат во вид на триглицериди во масните клетки, што значи без разлика на составот на исхраната (јаглехидрат, протеини, масти) кога внесените калории се повеќе од потрошените тие се депонираат во масните клетки како триглицериди. Со други зборови, кога пробуваме да ги изгубиме масните наслаги или ја зголемуваме физичката активност или го намалуваме калоричниот внес како телото би посегнало по складираната енергија во масните клетки (ќе го занемариме податокот дека телото можно е да посегне по енергија складирана и во мускулите).
Подетално, при ослободувањето на триглицеридите од клетките преку липолиза (разградување на масти) се добиваат 4 соединенија: 1 глицерол и 3 масни киселини, a масните клетки стануваат помали но неможат никогаш целосно да исчезнат. Продуктот од липолизата оксидира или “гори” за да продуцира енергија.
Целиот тој процес е сумиран во ова хемиска равенка:
Triglyceride (C55H104O6) + 78O2→ 55CO2 + 52H2O + energy
Од оваа формула можеме да видиме дека еден триглицерид со помош на кислород се разложува во јаглерод диоксид и вода. Според пресметките на истражувачите за да изгубите 10 килограми масти покрај потрошените 94000 калории се ослободуваат 8,4 kg CO2, а останатитие 1,6 kg ги исфрламе како вода преку телесните течности.
Што значи одговорот на прашањето е следниот: Кога губиме масти најчесто ги издишуваме во вид на CO2 (84%) и ги исфрламе во вид на вода (16%).