nedela-za-svesnost-na-bremenost_image
Споделете со пријателите!

Последната недела од февруари е во знакот на подигање на свесноста за бременоста
Последната недела од февруари се одбележува како Недела за свесност на бременост, вклучувајќи корисни информации, статистички податоци за здравјето и морталитетот на новороденчињата во Македонија, препораки и совети за бремените жени, како и препораки и совети за правилно користење на контрацепција.

Бременоста носи големи позитивни промени во животот на жената, кои често се пропратени со периоди на неудобност заради бројните промени што се случуваат во телото, а се манифестираат врз физичкото и психичкото здравје.

Со навремена информираност, како и достапност на знаење и соодветна нега, неудобностите за време на бременоста можат значително да се намалат. Токму затоа се одбележува Недела за свесност на бременост шурум светот, вклучувајќи ја и Македонија.

Општи совети и препораки што треба да ги знаат иднините мајки:

Подготовка пред големата одлука

Планираната бременост подразбира проверка на целокупното здравје кај двајцата партнери. Потребно е партнерите да направат тест за ХИВ статус, додека жената треба да направи крвна слика, ПАП тест како и микробиолошки тест за проверка дали има присуство на инфекции.

Посветување особена грижа за храната

Грижата подразбира внимавање на исхраната и промена на штетни навики како консумирање алкохол и пушење. Постојано треба да се следат препораките од лекарот. Освен балансираната исхрана, потребни се и суплементи богати со фолна киселина и железо.

Вежбање

Доколку станува збор за нормална бременост, дозволени се лесни вежби, како пилатес, јога, аеробик и долги прошетки. Физичката активност е многу важна, бидејќи може да го олесни процесот на породување. Одлуката да се вежба за време на бременоста, треба да биде донесена во консултација со матичниот гинеколог.

Прочитајте:  Домашен енергетски напиток

Општата препорака со состои во тоа да бидете снабдени со точни информации, да ги применувате советите од стручните лица и да правите нешта што ве прават среќни, со цел бременоста да ја доживеете како едно од најубавите животни искуства.


Споделете со пријателите!