zabrzajte-go-metabolizmot_image
Споделете со пријателите!

Постојат многу начини да го забрзате метаболизмот и да го подобрите целокупното здравје
Постојат бројни начини на кои можеме да влијаеме со цел да го подобриме своето здравје. Метаболизмот може да се забрза, така што изговорите дека имате бавен метаболизам и тешко слабеете, едноставно не поминуваат. Метаболизам подразбира серија на биохемиски процеси со кои енергијата што се добива од храната, се употребува за одвивање на животните функции. Накратко кажано, ја претвора храната во гориво потребно за енергија.

„Мажите во основа имаат побрз метаболизам од жените кога е полот во прашање“

Функционирањето на метаболизмот е одредено од неколку фактори како возраст, пол и гени. Со текот на годините, метаболизмот се забавува бидејќи се губи мускулна маса. Воедно, метаболизмот зависи и од градбата на телото, односно повторно од мускулната маса. Телото кое има повеќе масни наслаги има побавен метаболизам. Што се однесува до полот, мажите имаат побрз метаболизам од жените.

И покрај овие фактори, секако дека постојат многу начини на кои можете да делувате, односно да го подобрите и забрзате метаболизмот.

Појадувајте

Дека појадокот е најважниот оброк во денот е докажано и покажано многупати. На телото му е потребна енергија за да работи, а за тоа му е потребо ниво на шеќер кој е на нормално ниво. Кога не појадуваме, ова ниво може нагло да падне што резултира со прејадување или внесување на висококалорични производи. Производите со многу калории значат напластување масно ткиво од кое зависи брзината на метаболизмот.

Редовно вежбајте

Вежбање кардио вежби три до пет пати неделно го забрзува метаболизмот и во периодите кога не вежбате. Континуираното вежбање поттикнува активен метаболизам. Исто така, постојат и начини како да го забрзате метаболизмот додека вежбате. Не ги избегнувајте вежбите со тегови бидејќи тие создаваат мускулна маса, што значи долгорочно забрзување на метаболизмот.

Прочитајте:  Дали дијабетесот може да предизвика проблеми со меморијата и размислувањето?

Без брзи диети

Брзите диети секогаш имаат „јо-јо“ ефект, што значи дека брзо изгубените килограми уште побрзо се враќаат. Ваквите диети значително го забавуваат метаболизмот , бидејќи кога се слабее брзо, се губат мускули и масно ткиво, но кога килограмите се враќаат, тоа значи повеќе масно ткиво, кое пак согорува помалку калории.

Мал оброк пред спиење

Да, токму така. Наспроти општоприфатеното мислење дека никако не треба да се вечера по 20 часот, едно најново истражување открива дека доколку се консумираат 150 калории 30 минути пред спиење, вашиот метаболизам наутро ќе биде побрз. За најдобри резултати се препорачуваат протеини, како млеко со мала масленост или малку сирење. Исто така, треба да се земе во предвид дека оваа практика на јадење пред спиење се однесува на оние кои што редовно вежбаат.


Споделете со пријателите!