plivanjeto-i-mnogubrojnite-dobivki
Споделете со пријателите!

Летниот период е одличен за да започнете со пливање, спорт кој ќе ве освежи во жешките летни денови и ве направи поздрави
Пливањето е еден од најпопуларните и најзабавните летни спортови. Тоа е одличен избор за да останете во форма или да ја добиете посакуваната тежина, да бидете поздрави, да се дружите, итн. Пливањето ги активира сите мускули во нашето тело и е одлично како за телото така и за умот.

Пливањето и здравствените придобивки

Пливањето е спорт кој влијае врз нашето здравје на позитивен начин. Прави да се чувствуваме подобро, освежено, со повеќе енергија, додека истовремено се забавуваме. Ова се некои од здравствените придобивки од пливањето:

  • го намалува ризикот од срцеви заболувања, мозочен удар и тип 2 дијабетес;
  • не ослободува од стресот;
  • помага во одржувањето на здраво срце и здрави бели дробови;
  • ги зајакнува мускулите и помага во одржување на здрава телесна тежина;
  • се препорачува за луѓето кои страдаат од артритис или други проблеми со зглобовите затоа што ги заштитува од напорот за време на пливањето (што не е случај со останатите земјени спортови);
  • помага во одржувањето на психичкото здравје.

Пливањето и здравата телесна тежина

Пливањето е одлично за да останеме во форма. За разлика од другите спортови, овој летен спорт ги активира сите мускули во телото, притоа заштитувајќи ги зглобовите од болка и воспаленија кои можат да настанат како резултат на вежбање. Пливањето е соодветен спорт за луѓето кои имаат поголема телесна тежина или имаат некаква повреда затоа што ги заштитува од вложување на преголем напор. Исто така, кога станува збор за зголемената телесна тежина, пливањето е одличен и брз начин за согорување на калориите и намалување на тежината. Во споредба со другите спортови како трчање и возење велосипед, може да се каже дека пливањето не заостанува зад нив кога станува збор за согорувањето на калориите. Освен придобивките во однос на намалување на тежината, пливањето помага во зголемувањето на издржливоста, еластичноста и силата, а исто така ја подобрува координацијата, флексибилноста и држењето на телото.

Прочитајте:  Митови за вежбањето и стареењето

Пливањето и рекреацијата

Да не заборавиме дека и покрај сите горенаведени здравствени придобивки, пливањето е еден од најзабавните спортови. Тоа ќе ве релаксира, а исто така е одличен начин да се разладите во топлите летни денови додека истовремено се дружите со семејството или вашите пријатели. Живееме во време кога прекумерната телесна тежина се среќава и кај децата, па пливањето е многу добар семеен спорт и начин да им поставиме добар пример на децата за одржување на здрави животни навики. Пливањето е супер рекреативна вежба за луѓето на сите возрасти и спорт кој можете да го практикувате доживотно.


Споделете со пријателите!