brzoto-pesacenje-kako-visokointenziven-trening
Споделете со пријателите!

Високоинтензивните тренинзи како ефикасен начин за подобрување на физичката кондиција кај постарата генерација
Напорни и интензивни вежби со кратки паузи, програма позната како високо интанзивен тренинг, популарна кај голем број на фитнес инструктори е одличен начин да влезете во добра форма. Тренинзите обично траат од 20 минути до половиа час вклучувајќи ги кратките паузи од 30-тина секунди помеѓу неколку минутните интензивни активноси и препорачливо е да се прават највеќе 3 пати неделно.

Проблем кај овие тренинзи е што лесно може да дојде до повреди особено кај постарите и оние кои не се во добра форма, но затоа група јапонски научници на чело со Др. Хироши Носе (Nose Hiroshi) пред десетина година започнаа да градат програма за пешачење. Пешачењето е најлесна и најпрактична активност, но сепак истражувачите веруваа дека треба да се внесе и малку интензитет за да се постигнат подобри здравствени и физички резултати. Во истражувањето биле вклучени луѓе на возраст од 44 до 78 години поделени во две групи од кои едните пешачеле пет сета од по 3 минути брзо одење и 3 минути бавно за половина час, најмалку три пати неделно. Другата група пешачеле со нормално темпо.

По пет месеци физичката и здравствената состојба кај втората група незначително се поправила додека кај оние кои пешачеле со интензивни интервали значително ја подобриле кондицијата, нозете и крвниот притисок.

Пред неколку месеци истиот тим истражувачи се надоврзаа на студијата велејќи дека 70% од учесниците продолжиле да го применуваат истиот режим на пешачење и наредните неколку години и кај сите нив здравствените и физичките резултати се подобриле или останале исти. Фасцинантно е дека се работи за луѓе во доба кога организмот ја губи виталноста.

Затоа сите, без разлика на возраста и физичката подготвеност, кои сакаат да започнат со високоинтензивни тренинзи, а тоа им изгледа премногу напорно и тешко би требало да почнат да пешачат.

Многу научници во последно време ја нагласуваат потребата од пешачење. Според научникот и автор Кети Баумен (Katy Bowman) пешачењето е суперхрана, биолошки императив исто како и исхраната.

Прочитајте:  Возење велосипед,
спортска активност за сите возрасти

Секојдневното пешачење е основен дел на здрав живот. Премногу студии и истражувања го потврдуваат тоа. Пешачењето драстично ги намалува симптомите на депресија, двојно ги намалува шансите за хоспитализација кај луѓето со хронични белодробни заболувања и многу други придобивки.


Споделете со пријателите!