На првиот есенски ден, прочитајте неколку совети за да бидете здрави оваа сезона
Летото е веќе зад нас, време е за долги спокојни есенски денови. Тоа не значи дека треба да затворите дома и да бидете пасивни. Напротив, есента многу поубаво се доживува доколку е исполнета со активности. Прочитајте што да правите во есен за да си го подобрите здравјето и расположението, но и како да го зајакнете имунитетот, бидејќи промената на сезони е погодна за настинки.
Јадете сезонска храна
Ова правило важи секогаш, не само овој период. Во есен многумина се опуштаат во јадењето и стануваат пасивни, па за брзо време го зголемуваат конфекцискиот број. Дебелеењето ќе го избегнете без некои ригорозни диети и планови за јадење, доколку најмногу јадете сезонска храна. Во прв ред тоа е тиквата, бидејќи ништо не ја најавува есента подобро од тиква. Исто така, консумирајте ги и нејзините семки кои што се одличен додаток во многу јадења и се богати со железо. Јаболкото е синоним за здравје и за витка линија. Тоа изобилува со антиоксиданси и хранливи влакна, потоа, јадете круши и печурки, калинки, за да внесете витамин Ц и уште многу други хранливи состојки. Јадете салати, но повеќе зеленчукови домашни супи за да ве стоплат, како и ориз и грав.
Зајакнете го имунитетот
Настинките се исто така многу чести во есен, односно при секоја промена на сезона. Затоа, заштитете се навреме со тоа што ќе го зајакнете имунитетот. Спијте препорачани 8 часа и притоа внимавајте да легнувате и станувате во приближно исто време. Стресот е исто така поврзан со имунитетот, затоа обидете се да го контролирате. Имунитетот се зајакнува и со редова физичка активност, бидејќи вежбањето е поделотворно од секое апче. Храната треба да изобилува со витамини, минерали и пробиотици.
Заштитете се од настинки
Покривање на устата кога кивате и кашлате, не е само правило за добро однесување, туку и заштита од настинки на оние околу вас. Редовно мијте ги рацете со сапун и со топла вода и седете дома кога сте настинати. Не пијте антибиотици на своја рака. Антибиотиците се користат за лечење бактериски инфекции, а не вирални, како што се најчесто се настинката и грипот. Во секој случај, најпрво обратете се кај вашиот лекар за да ви одреди за каков вид на инфекција се работи, па потоа постапете соодветно на видот на инфекцијата.
Грижете се за безбедноста на храната
Во прв ред, чисти раце и чисти површини. Одделете ја храната за да избегнете пренесување на контаминација и гответе според пропишаните температури.
Пијте доволно вода
Во овој период кожата и грлото се посуви, па внимавајте да бидете хидрирани цело време. Исто така, не пијте ладна вода, бидејќи таа не е поволна за правилно варење на храната.
Излезете надвор
Времето е поладно но не е ладно, па затоа искористете го убавото време за активности на отворен простор. Овие прошетки ќе го зголемат нивото на витамин Д и ќе ви го подигнат расположението.
Време е за вежбање
Не само храната, туку и помалата физичка активност после летото, знае да додаде килограм плус. Затоа, не прекинувајте доколку сте вежбале во летниот период, само облечете се потопло доколку вежбате надвор.
