ne-treba-da-piete-8-casi-dnevno_image
Споделете со пријателите!

Знаете ли дека познатиот тенисер Новак Ѓоковиќ пие исклучиво млака вода? Дознајте зошто 
Ќе ги наброиме четирите најпопуларни и широко прифатени мислења околу корисноста од пиење вода и ќе ја испитаме нивната точност.

Треба да се испијат осум чаши вода дневно

Неточно. Ова широко застапено мислење датира од 1945 година и тоа во вид на изјава од Американскиот одбор за храна, без поткрепа во вид на научно истражување која гласи дека се препорачува да се пијат околу два и пол литри вода во текот на еден ден. Оттогаш, постојат многу истражувања, трудови и книги кои го побиваат ова, но ова мислење останува број еден заблуда кога е во прашање пиењето вода. Сите тие истражувања покажале дека водата испиена во овие количини не прави многу голема здравствена разлика во телото. Она што е важно за здравјето, е да не се дозволи дехидрација, бидејќи таа ќе ја забави работата на метаболизмот, но 8 чаши се непотребно многу.  

Ладната вода топи калории

ne-treba-da-piete-8-casi-dnevno_image1Делумно точно. Да, чаша ладна вода топи калории, но само 8, број кој не е значаен за слабеење, односно никако не придонесува за топење на калориите. Објаснувањето зад ова мислење е заради зголемената работа на организмот кој треба да ја регулира ладната вода за да ја врати нормалната температура на телото. Значи, доколку сакате да ослабете, јадете повеќе овошје наместо колачи и не планирајте го пиењето ладна вода како дел од диетата.

Водата е покорисна кога се внесува преку храната

Точно. Водата е покорисна кога се внесува преку храната која се состои од свежо овошје и зеленчук, отколку кога се пие чиста вода. Нутриционистите истакнуваат дека не е правилен начин да се пие вода колку што може повеќе, туку каква вода се пие и кога се пие. Во еден просечен ден, околу 20 проценти од течностите во телото, се внесуваат преку храната, најмногу од овошјето и зеленчукот. Краставицата, на пример, содржи 96,7 проценти вода. Исто така, доматите и лубениците се составени од над 90 проценти вода. Освен тоа, за разлика од чистата вода, овие овошја и зеленчуци имаат висока хранлива вредност и изобилуваат со витамини.

Прочитајте:  Неколку совети за одржување нормално нивото на шеќер во крвта

Пиењето ладна вода може да предизвика рак  

Неточно. Ладната вода нема врска со ракот. Причината е дека таа не останува ладна во организмот, туку ја има истата температура како телото. Светски познатиот тенисер Новак Ѓоковиќ пие исклучиво топла вода а има и причина зошто. Нутриционистите  потврдуваат дека секогаш кога ќе внесеме нешто што е различна температура од нашата, во случајов ладна вода, нашето тело треба да работи повеќе со цел да ја регулира температурата наместо да ја вари храната и да создава енергија. Тоа значи дека ладната вода е неповолна за правилна дигестија.


Споделете со пријателите!