Споделете со пријателите!
Оваа супа е одличен избор за да се стоплите овој зимски период
Супата од печени моркови е доволно свежа за да ве освежи а воедно и да ве загрее во ладните зимски денови. Не е е многу зачинета и претставува вистински избор доколку сакате малку поразлична супа на вашата трпеза.
- 1 кг. моркови, измиени;
- 1 јаболко, излупено и исечено на четвртинки;
- маслиново масло;
- 1 голем кромид, ситно исецкан;
- 1 – 2 чешниња лук, истолчени;
- 1 лажиче мелен ѓумбир;
- 1 лажиче кари;
- 3 шолји вода;
- сол, бибер.
За послужување:
- кисела павлака;
- сув власец (или уште подобро, свеж).
Помешајте ги морковите и јаболкото со малку маслиново масло, додајте сол и бибер и ставете ги да се печат на 200°C околу 40 минути, или додека морковите не омекнат. Промешајте ги еднаш или два пати во текот на печењето.
Ставете ги кромидот и лукот во тенџере со малку масло и пржете ги на тивко неколку минути. Потоа додајте ги печените моркови и јаболкото, ѓумбирот и кари зачинот и три шолји вода. Изблендирајте ја супата и додадете вода и сол по вкус, сè додека не ја добиете саканата густина.
Сервирајте ја супата со павлака и сув власец, или јогурт, слатка павлака и некој свеж зачин.
* рецептите во целост се преземени од ситно сецкано
Споделете со пријателите!
