probiotici-priroden-izbor-za-sprechuvanje-na-esenski-infektivni-zaboluvanja_image
Споделете со пријателите!

Поновите истражувања покажуваат дека всушност клучниот фактор за нашиот имунитет се токму пробиотиците
Климатските и температурни промени кои ни ги носи есента како годишно време претставуваат едни од најважните фактори за појава на инфективни заболувања во тој период. Честите настинки, грипот и другите инфекции на респираторниот систем ги погодуваат сите старосни групи и предизвикуваат проблеми во сите сфери од секојдневниот живот. Меѓу другото, за децата тоа значи изгубени училишни денови, а за возрасните исто така отсуство од работа и неможност за извршување на професионалните обврски. Да не ги заборавиме и највозрасните кои можеби се најпогодени, бидејќи со бројот на годините расте и ризикот за појава на разни здравствени проблеми.

Затоа не е залудна и има голема вистина во изреката – „Подобро да се спречи отколку да се лечи“. Со други зборови, треба да обрнеме внимание и да се грижиме за нашиот имунитет додека сме здрави. Општо е познато дека некои витамини и минерали имаат директна улога во поттикнувањето и одржувањето на одбранбените процеси во организмот. Toа пред сè се однесува на витаминот Ц и цинкот кои организмот не ги создава и мора да се внесуваат преку исхраната во доволни количини.

Но, поновите истражувања покажуваат дека всушност клучниот фактор за нашиот имунитет се токму пробиотиците.

Тие т.н добри бактерии живеат во нашиот дигестивен систем и се одговорни за нормално одвивање на метаболитичките процеси т.е варењето на храната. Одамна се знае дека нарушувањето на нивната рамнотежа доведува до дигестивни проблеми како дијареа, надуеност, гасови, опстипација итн. Меѓутоа, нивната улога во имунолошкиот систем е докажана дури неодамна и таа подразбира нивно директно учество во процесот на изградба на антителата кои се носители на имунолошкиот одговор.

probiotici-priroden-izbor-za-sprechuvanje-na-esenski-infektivni-zaboluvanja_image1Од многуте пробиотски култури кои го населуваат нашето тело, најзначајни се неколку, чија улога е и најмногу испитана (B.subtilis I-2745, L. acidophilus, B. animalis ssp. lactis, L. casei). За жал, мал е бројот на хранливи намирници кои содржат пробиотици, но за среќа денес постојат препарати (додатоци во исхрана) кои се комбинација токму од овие пробиотски култури. Овде би го истакнале значењето на една од нив.

„Bacillus subtilis ја засилува нашата природна одбрана и помага во борбата против инфекции“

Bacillus subtilis – специфичен сој на пробиотски бактерии, патентиран и клинички испитан (регистриран e во Француската национална збирка на микроорганизми (CNCM ) под број I -2745). Toj ја засилува нашата природна одбрана и помага во борбата против инфекции. Интересно е што организмот по неговото внесување го препознава како антиген и во дигестивниот систем се врши негово разградување. Но, токму тој процес предизвикува ослободување на медијатори на имунолошката реакција (интерлеукини) кои поттикнуваат диференцијација на Б-лимфоцити во плазма клетки кои создаваат антитела (имуноглобулини).

Прочитајте:  Здравствени придобивки од јадење риба

Така стимулиран, имунолошкиот систем спречува влез на патогени и вируси во клетките и настанување на инфекција. Значително е намален ризикот пред сè на респираторни и дигестивни инфекции. Се одликува со голема стабилност и способност за преживување на нискиот pH (кисела средина) кој владее во гастроинтестиналниот тракт.

Суплементацијата на организмот со еден ваков природен имуностимулатор е уште покорисна во комбинација со витамин Ц и цинк.

„Комбинацијата од 3 природни компоненти го засилува имунолошкиот систем“

И двете состојки се значајни за производство на антитела и се составен дел од структурата и процесите на B и Т лимфоцитите. Дневните потреби на еден здрав организам од витамин Ц изнесуваат 75 – 100 мг, а на цинкот околу 10 мг. Ваквата комбинација од три природни компоненти може да се каже дека е комплетна и нуди сигурно засилување на имунолошкиот систем.

Особено е препорачлива за време на температурните промени во рана есен (Септември, Октомври), кај лица со зголемен физички и психички стрес, стари лица, спортисти, адолесценти, вегетаријанци како и имуно компромитирани особи (ХПВ инфекции, дијабетичари итн.).

М-р фарм. Емад Канан

PharmaS_ProBalans_IMUNO_700x90


Споделете со пријателите!