zabludi-za-lazenjeto_image
Споделете со пријателите!

Проверете дали она што го знаете за лажењето е точно или се лажете дека знаете
Дали можете со сигурност да кажете кога некој ве лаже? Убедени сте дека поглед на страна кај соговорникот значи сигурна лага? Сите сакаме да мислиме дека сме добри во препознавање на лажговци, а воедно и да тврдиме дека сите лажат, само ние не. Осносно дека лажеме само кога мораме, односно со цел да заштитиме некого. Сепак, вистината е само една и сите нејзини интерпретации се всушност – лага. Според познатиот психолог Пол Екман – Paul Ekman, според чии што истражувања е направена телевизиската серија „Лажи ме“ – Lie to me, најголем број од луѓето не ја разбираат измамата. Тој е познат по неговото истражување за универзални фацијални експресии и ситни знаци кои ја откриваат вистинската емоција. Бидејќи поседува голема способност да препознае лага, тој се здоби со репутацијата дека е „најдобриот човечки детектор за лаги во светот“.

Вистината е дека (со исклучок на Екман) сме аматери кога станува збор за препознавање на лага, без оглед колку сме сигурни дека знаеме точни знаци кога некој нè лаже.

Затоа во продолжение, ќе ги наведеме најчестите заблуди поврзани со лажењето.

Ситни фацијални експресии се доказ на лага

zabludi-za-lazenjeto_image2Некои ситни фацијални промени навистина можат да откријат она што зборовите не го кажуваат, но тоа не значи дека станува збор за лага. Може да станува збор за страв или срам. Така што, некои познати знаци за кои сте сигурни дека значат лага, не треба да ги сметате за апсолутно точни. Што доведува пак до следната заблуда, која е со спротивен предзнак од оваа, односно:

Прочитајте:  Заблуди и вистини за нарушувањата во исхраната

Не постои начин да откриете кога некој ве лаже

„Подигање и собирање на рамениците и мрдање на главата во знак на „не“ додека се изговара потврдно, се знаци дека соговорникот лаже“

Секако дека постои, само знаците може да се различни кај секого, затоа е претходната заблуда дека човечкото однесување не функционира според точни правила. Постојат околу триесет делови од телото кои што откриваат кога станува збор за лага. На пример, подигање и собирање на рамениците за време на изговарањето на лагата, како и мрдање на главата во знак на „не“ додека се изговара потврдно „да“. Од друга страна пак, познатата гестикулација на гледање лево и горе, што се смета за сигурен знак на лага, е неточна.

Мажите лажат повеќе од жените

Лажењето не е одредено според пол, така што ова е уште една заблуда. Интересен е фактот зошто постои оваа заблуда. Таа се создала заради различните причини за кои се верува дека лажат мажите и жените. Се смета дека мажите повеќе лажат со цел да се пофалат, додека жените најчесто лажат за да заштитат некого.

Психопатите совршено лажат

Психопатите не се повешти во лагата од останатите, но најчесто се толку шармантни што луѓето сакаат да им веруваат. Тоа е уште една интересна појава поврзана со лажењето.

Многупати луѓето одлучуваат да веруваат во лага, бидејќи некогаш вистината е премногу сурова за да се прифати.


Споделете со пријателите!