sezonska-nastinka-svetlana-smugreska
Споделете со пријателите!

Rhinopharyngitis е акутна инфекција на горните респираторни патишта, или народски позната како сезонска настинка
Есента како годишно време покрај тоа што се одликува со големи температурни разлики во текот на 24 часа исто така се одликува и со појава на акутни инфекции на горните респираторни патишта што резултира со изостанување од работа или школска настава, причина за одење на лекар и често неоправдано земање на антибиотици.

Природната отпорност на организмот при ниски температури е значително намалена, а со тоа се зголемува склоноста кон акутни инфекции на горните дишни патишта.

За почеста појава на акутните инфекции на горните респраторни патишта допринесува и подолгиот престој во затворени простории со поголем број луѓе, недоволно проветрените простории со сув и топол воздух, како што се на пример детските градинки, училиштата, работните места, кината, средствата за јавен превоз и слично.

Акутните инфекции на горните дишни патишта или акутните респираторни инфекции – ARI, се многу чести, особено во детска возраст. Причината за повисока инциденца на настинки кај децата се недоволната развиеност на имунолошкиот систем, како и изложеноста на различни микроорганизми во контакт со другите деца во градинката и училиштето.

sezonska-nastinka-svetlana-smugreska_1Причини за честа појава на акутна инфекција на горните респираторни патишта се начинот на пренесувањето на инфекцијата (преку близок контакт и допир), структурата на респираторниот систем на човекот, како многу отворен органски систем, постоење на голем број причинители на болеста, недоволна и тешка превенција на болеста, ограничени можности за лекување.

Дефиниција

Rhinopharyngitis е акутно или хронично воспаление на слузницата на носот и грлото кои се поволен терен за развој на воспаление и микробиолошки инфекции.

Етиологија и патогенеза

Rhinopharyngitis-от е обично предизвикан од вирус (вирусна инфекција). Вирусите се почести во ладно време и во форма на мали епидемии“

Познати се преку 200 видови на вируси кои предизвикувааат симптоми на настинка. Најчесто се тоа риновирусите, реовирусите, коронавирусите, вирусите на параинфлуенцата и други помалку вирулентни вируси кои предизвикуваат обична настинка. Другите повирулентни респираторни вируси предизвикуваат фебрилен респираторен катар, додека вирусите на инфлуенцата тип А и Б предизвикуваат грип. 

Прочитајте:  10-те закани за здравјето на човекот во 2019

Ринофарингитот се пренесува по аеро-капков пат (плунка или назална секреција) од болен на здрав најчесто преку кивање. Животниот век на вирусот надвор од човечкото тело кој може да се движи насекаде, е од неколку минути до неколку часа.

Клиничка манифестација

Раните симптоми на rhinopharyngitis се:

  • црвено и воспалено грло (фаринкс);
  • затнат нос полн со секрет;
  • кивање;
  • кашлање;
  • нарушена општа состојба;
  • понекогаш придружена со главоболка;
  • проблеми со дишењето, намалет осет за мирис;
  • скокотлива сензација во носот и грлото;
  • сензации на игли и стегање (затегнатост);
  • треска особено кај децата понекогаш со многу висока температура за 2-3 дена.

Компликации на ринофарингитот се синузитис, отитис, ларингитис и акутен или хроничен бронхитис.

Дијагноза

Дијагнозата се базира на клиничката слика, анамнезата земена од страна на лекарот, постојат и тестови за брза дијгностика на ниска чувствителност и специфичност. Обично пациентот се јавува на лекар кога ќе се појават компликации.

Терапија

Употребата на антибиотици не се препорачува, бидејќи тие немаат никаков ефект во оваа фаза. Антибиотици се ефикасни против бактерии, но тие немаат никакво влијание врз rhinopharyngitis-от која е предизвикана од вирус. Што може да се направи за да се ослободите од неа? Отстранување на секретот од носот со издувување и употреба на соодветни назални раствори, употреба на симптоматска терапија доколку имате температура (парацетамол), комбинирани препарати (кои содржат парацетамол и витамин Ц) кои ќе ги ублажат симптомите. Кај децата препорачлива е и употреба на масти на база на ментол и еукалиптус на градите во тенок слој.

Еден од предизвиците на медицината е лекот за обична настинка. За вирусите е познато дека имаат импресивна моќ за менување. Тоа е причината зошто се чини невозможно да се најде вакцина против обичната настинка.

Превенција

Рацете постојано нека ви бидат чисти. При миење раце не треба да се брза, па така многу луѓе не ги тријат рацете доволно. Употребувајте течност за дезинфекција на рацете. Избришете ги површините со кои сте во допир во поголемиот дел од денот. Употребувајте проверени работи вежбајте, јадете и спијте доволно за да го одржите имунитетот силен.


Споделете со пријателите!