Оток во препоните (кила), причини и симптоми
Ако кај децата се појави оток во препоните, најверојатно станува збор за хернија. Хернија е целосно или делумно испакнување на органите од нивното нормално место, предизвикано од олабавување на мускулниот ѕид што треба да ги држи на место. Најчести се абдоминалните хернии, а меѓу нив кај детската возраст најзначајна е ингвиналната хернија. Ингвинална хернија е испакнување во пределот на препоните на дел од цревата во ингвиналниот канал. Ингвинална хернија најчесто се јавува кога стомачните мускули не се преклопуваат задоволително еден со друг. Во пределот на стомакот, всушност, мускулите се поставени еден над друг или се испреплетени, бидејќи цревата мора да имаат одредена удобност за да ги извршуваат своите функции. Ингвиналната хернија е доста честа кај децата, особено кај момчињата поради нивната анатомија. Децата се повеќе склони кон хернија отколку возрасните, бидејќи контракцијата на стомачните мускули е сè уште недоволно добра, а детскиот организам се уште расте и се развива. Во првата година, хернија наоѓаме кај околу 3-4 % од децата. Почесто се појавува на десната страна отколку на левата, а понекогаш е билатерална, односно на двете страни. Може да се појави оток помеѓу бутот и стомакот, на страна или над гениталиите.
Ингвинална хернија кај момчињата може да се спушти во скротумот, вреќата во која се наоѓаат тестисите. Заробувањето може да биде предизвикано од нагло отекување на хернијата, предизвикано од поголема ферментација и формирање на цревни гасови. Кај девојчињата, постои помал ризик од стискање на ингвинална хернија, но може да ги зафати гениталните органи.
Што доколку дојде до приклештување на хернијата?
За приклештена хернија зборуваме кога делот од цревата што излегол е притиснат од мускулите. На овој начин се спречува континуитетот на цревата и се намалува снабдувањето со крв, што е ризик за оштетување на ѕидовите и околните органи. Хернијата е веројатно приклештена кога целиот долен дел на стомакот е отечен, со модро- сина боја и болен на допир. Во овој случај, детето мора веднаш да се однесе на лекар а најдобро во ургентно одделение на педијатриска болница. Специјалистот може да се обиде рачно да врати дел од цревата во мускулниот ѕид. Оваа процедура, служи за воспоставување на нормално снабдување на ткивото со крв, како и за одведување на содржината блокирана во тој дел од цревата. Постапката е ефикасна во 95% од случаите а кога ќе се реши итноста на случајот, хирургот се договара со родителите за датумот на операција најдобро во следните неколку дена. Но, доколку рачното репозиционирање на килата не успеало, детето веднаш се задржува во болница за да биде оперирано што поскоро.
Хируршко отстранување на хернија
За дефинитивно да се реши проблемот со ингвиналната хернија, потребна е хируршка процедура. Операцијата обично се изведува во рок од еден месец по дијафгностицирањето на хернијата.
Тоа е затоа што секогаш се обидуваме да се интервенира пред дојде до заглавување. Во меѓувреме треба да се преземат некои мерки на претпазливост за да се избегне заробување на хернијата. Посебно, треба да се избегнува запек или цврста столица, бидејќи во таква ситуација движењата на дебелото црево бараат прекумерен напор од детето. Исто така, добро е да се избегнува долгорочно плачење на детето, бидејќи тоа може да доведе до истегнување на стомачните мускули и како резултат на тоа да предизвика приклештување на килата. Исхраната треба да биде лесна, богата со растителни влакна (свежо овошје и зеленчук) а детето треба да биде добро хидрирано.
Хирушкиот зафат вклучува враќање на дел од цревата во нивната природна положба, ставајќи ги другите засегнати делови, на пример, жичката на тестисите кај момчето, назад во правилната положба. Операцијата не остава никакви последици, само мал оток во пределот на засекот и тоа само во првите денови.
