kako-da-se-chuvstvuvate-porazlichno-bez-upotreba-na-drogi_image
Споделете со пријателите!

За да почувствуваат различна свесност од нормалната, некои луѓе доживуваат луцидни соништа или медитираат со цел да достигнат стадиум на нирвана или едноставно малку да се одморат
Опасноста и ризикот што со себе го носи злоупотребата на алкохолот, некои фармацевтски лекови или други синтетички супстанци, со цел да се почувствува промена на свеста, се многу големи. Бегањето од реалноста на овој начин нема да ги реши проблемите, туку може само да доведе до уште еден голем проблем поради кој патат цели семејства – зависност и трајни психофизички последици. Легалните и нелегалните дроги го менуваат начинот на кој ги процесираме надворешните, но и внатрешните дразби, го менуваат начинот на кој размислуваме и се однесуваме, што не секогаш е посакуван исход од страна на корисникот и неговата околина.

Практично сè што му правиме на нашето тело има некаков ефект и врз нашиот ум. 

Ете зошто некои луѓе се зависници од екстремни спортови, сакаат да танцуваат, да се смеат, да пеат, да пливаат… затоа што тоа им причинува задоволство, прави да се чувствуваат убаво, а во мозокот им ослободува хормони на среќа и еуфорија: серотонин, ендорфин, допамин, фенилетамин, грелин, окситоцин, а се намалува излачувањето на хормоните на стрес. За среќа, постојат многу природни техники и начини како барем за кратко да се одмориме од секојдневието, без да имаме какви било негативни здравствени последици. Со нивна помош не само што ќе почувстувате моментално задоволство, туку и бројни долгорочни здравствени придобивки.

Еве неколку безбедни начини да си поиграте со својот ум, без да стравувате дека делумно или потполно ќе го изгубите. Секако внимавајте, сè што е претерано не е здраво, и секоја од овие техники може најразлично да делува на различни личности. 

Холотропско дишење

Холотропското дишење е моќна техника за самоистражување и лекување што ги интегрира современите истражувања за свеста, антропологијата, психологија со различна длабочина, трансцедентална психологија, источни духовни практики и мистични традиции од целиот свет. Техниките за дишење се познати за ослободување од стрес и за полесно заспивање.

Контролирањето на здивот е многу познат начин за пристап кон поинаквата свест. 

Лицата кои го практикуваат холотропското дишење тврдат дека тоа може да предизвика сличен ефект врз мозокот како оној под дејството на ЛСД. Според промотерите на оваа техника, главната разлика помеѓу неа и ЛСД е дека не се оштетува мозокот. Исто така, дејството од оваа техника можеме да го стопираме кога сакаме, за разлика од „трипот“. 

Очен контакт 

Во една мала италијанска студија, 20 учесници халуцинирале по само десетминутно гледање во туѓи очи. Речиси сите испитаници пријавиле гледање на искривени карактеристики на лицето на тој во чии очи се гледале, 75% виделе чудовиште, 50% се виделе себе си во лицето на партнерот, а 15% ги виделе цртите на лицето од саканата личност. Заклучокот е дека зјапањето директно во нечии очи може буквално да ве хипнотизира.
kako-da-se-chuvstvuvate-porazlichno-bez-upotreba-na-drogi_image1

Прочитајте:  Синдромот на Минхаузен

Лишување од сон

„Долгорочното лишување од сон е опасно по здравјето и животот и може да доведе до халуцинации“

Некои луѓе би дале сè за да заспијат и да сонуваат додека спијат, додека други сонуваат на јаве поради тоа што свесно се лишуваат од сонот. Присилувањето на мозокот да не заспие кога има биолошка потреба од сон, може да предизвика чудни однесувања. Раните стадиуми од „свесната инсомнија“ може да предизвикаат променета и поизострена перцепција на светот, како да сте притиснале копче во мозокот за поголем контраст во процесорот на гледање. Долгорочното лишување од сон е опасно по здравјето и животот и може да доведе до халуцинации. Не се препорачува управување со моторни возила кога ја користите оваа техника.

Бинаурални звуци

Музиката и звучната терапија, не само што се користат за лекување, тие се исто така одамна познат начин за безбедно истражување на поинаква перцепција. Лесно достапна алатка секому се бинауралните звуци, кои се препорачува да се слушаат со помош на слушалки за да се постигне подобар ефект, бидејќи предизвикуваат дуална хемисферична стимулација. Тие предизвикуваат аудитивна илузија, затоа што различни видови на звуци се слушаат во двете уши, а мозокот добива илузија и започнува да слуша пулсирачки трет тон помеѓу тие два, кој реално не постои. Експертите велат дека различните фреквенции на овие звуци стимулираат различни делови од мозокот, можат да се користат за лекување на мозочни нарушувања, намалување на симптомите кај лицата со говорни мани, АДД, АДХД, несоница, зависности итн.

Хипнагогија 

Сигурно сте биле сведоци на моментот кога заспивате, а сè уште не сте заспани и сте во некоја полусвесна состојба. Оваа состојба се нарекува хипнагогија и претставува преодна состојба помеѓу будноста и сонот, т.е. состојба на свеста за време на почетокот на спиењето. Иако мислите дека ова е нешто коешто се случува природно само од себе, оваа состојба можеме свесно да ја предизвикаме со вежбање. Со текот на времето состојбата на хипнагогија трае сè подолго и подолго, а личноста што ја искусува може подолго да ужива во истражувањето на сопствената потсвест. Спротивно од хипнагогијатае хипнопомијата која означува почеток на будноста.


Споделете со пријателите!