zavisnosta-od-facebook-na-mozokot-vlijae-kako-kokainot_image
Споделете со пријателите!

Научниците откриле дека користењето на „Фејсбук“ влијае на два делови од мозокот одговорни за системот на наградување – амигдала и стриатум
Научниците уште поодамна докажаа дека неумереното користење на социјалните мрежи предизвикува депресија, меѓутоа сè уште не беше познато на каков начин зависноста од „Фејсбук“ влијае врз мозокот. И покрај тоа што поминувањето на време следејќи ги новостите на најпопуларната социјална мрежа се чини сосем безопасно, сепак, доколку дозволиме потребата да се најавиме на ФБ да започне да нè контролира, наместо ние неа, можеби треба да разбереме на кој начин оваа „потреба“ влијае врз нас и што точно се случува со сивата маса во нашите глави.

zavisnosta-od-facebook-na-mozokot-vlijae-kako-kokainot_image1Поранешните истражувања веќе ги споредија функциите на мозокот кај луѓето опседнати со интернет, со промените во мозокот што се случуваат кај коцкарите или алкохоличарите. Неодамнешна научна студија од Калифорнија, објавена во зборникот „Психолошки извештаи: Попречувања и трауми“ – Psychological Reports: Disability and Traumа, покажа дека зависноста од „Фејсбук“, на мозокот делува на многу сличен начин како зависноста од дроги, односно кокаинот или како зависноста од коцкање.

Користењето на социјалната мрежа ја активира амигдалата, која помага да се воспостави значењето на настаните и емоциите, но и стриатумот кој е вклучен во процесирањето и очекувањето на награди.

Научниците, исто така откриле дека импулсивните системи во мозокот функционирале во ред кај компулсивните корисници на Фејсбук за време на набљудуваниот период, што не се случило кај нарко зависниците. Професорот Офир Турел – Ofir Turel од California State University во градот Фулертон, ги надгледуваше мозоците на 20 млади волонтери. Студентите поминале низ два вида на тестирања. Првиот тест бил фокусиран на симптомите што се појавуваат кога се прекинува со одредена зависност, како и анксиозноста коишто се показатели на зависност. Вториот дел од тестирањето била проценката на реакциите на случајни слики, но и на слики поврзани со „Фејсбук“. Најголемите зависници од „Фејсбук“ реагирале најбрзо на асоцијациите.

Прочитајте:  Теорија на огледалото

Професорот увидел дека деловите од мозокот што се нарушени кај нарко зависниците, исто така биле засегнати кај корисниците на „Фејсбук“ кога тие ќе виделе слики поврзани со нивната зависност. „Страшно кога ќе помислиме на ова. Тоа значи дека корисниците побрзо реагираат на пораките од ’Фејсбук’ на нивните мобилни телефони, отколку на сообраќајните околности, доколку на пример управуваат со моторно возило“ – додава Турел.

Како што објаснува тој, постојат доста разлики помеѓу споменатите зависности, како на пример фактот дека полесно е да се откажете од „Фејсбук“, отколку од тешките наркотици. Инхибиторниот систем кој исто така е засегнат кај зависниците од дроги, кај зависниците од Фејсбук не бил нарушен.

„Ова се добри вести затоа што тоа значи дека ова однесување може да биде коригирано со терапија“ – истакнува д-р Турел, кој додаде дека зависното однесување кај корисниците на „Фејсбук“ произлегува од слабата мотивација да се контролира ова однесување.

Исто така, не смееме да заборавиме дека зависноста од „Фејсбук“ може да биде штетна по здравјето и да предизвика опасни ситуации, но не е фатална, за разлика од зависностите од дроги. Сепак, големината на оваа студија ги разбуди критичките мислења на други експерти кои тврдат дека наодите се неуверливи. Психологот Сесили Шоу Андреасен – Cecilie Schou Andreassen од Универзитетот во Берген, Норвешка, објасни дека дискутабилно е дали големината на примерокот користен во студијата е соодветна за докажување на претпоставката.


Споделете со пријателите!