polozbata-na-teloto-dodeka-spiete-moze-da-go-namali-rizikot-od-alchajmerova-iparkinsonova-bolest
Споделете со пријателите!

Според едно истражување страната на која спиете може да ве заштити од овие болести
Вашето невролошко здравје може да биде под влијание на положбата на телото додека спиете како резултат на истражувањето спроведено на Универзитетот Стоуни Брук во САД – Stony Brook University in US. Според истражувачите, спиењето на страна може да ви помогне полесно да ги исфрлите штетните материи кои се насобираат во мозокот и кои можат да бидат причинители на Паркинсонова и Алцхајмерова болест. Работата на делот во мозокот кој е задолжен за исфрлање на штетните материи била олеснета кога лабораториските глувци спиеле на страна. До овој заклучок се дошло благодарение на сликите од магнетната резонанса на мозокот на глувците добиени во период од неколку години.

Штетните материи во мозокот може да го попречат неговото правилно функционирање ако им се дозволи да се наталожат, а спиењето на страна за разлика од спиењето на грб или на стомак може да помогне во нивното исфрлање. Тоа е убава вест за сите кои спијат на страна, а за среќа најголем процент од луѓето спијат на тој начин. Само мал дел од нас спијат на грб или стомак.

Иако истражувањето до сега било спроведено само врз лабораториски глувци, истражувачите сметаат дека истите придобивки од спиењето на страна би ги почувствувале и луѓето, но според нив мора да се направат дополнителни истражувања.

Според Мајкен Недергард – Maiken Nedergaard од групата истражувачи, страничното спиење е најпопуларно меѓу луѓето, па и меѓу животните. Со текот на времето, изгледа како да сме се адаптирале да спиеме на страна за да што поефикасно ги исфрлиме штетните материи од мозокот кои се насобираат преку денот додека сме будни. Оттука, може да се заклучи дека спиењето е многу важен фактор за здрав живот, вклучувајќи го и здравјето на мозокот, и е поврзано со ефикасно чистење на мозокот од штетните материи кои се насобираат преку денот.

Прочитајте:  Разлики помеѓу целото овошје и сокот од овошје

Нарушувањата во спиењето се поврзуваат со многу видови на демеција меѓу луѓето. Резултатите од ова истражување го поткрепуваат фактот дека на човекот му треба здрав сон и го дополнуваат така што покажуваат дека исто така важна е и положбата во која спиеме.


Споделете со пријателите!