mozete-da-se-zaljubite-vo-sekogo-za-samo-4-minuti_image
Споделете со пријателите!

Дали е возможно да одберете во кого ќе се заљубите? Една студија и еден експеримент изведен врз основа на таа студија, го потврдува ова
Верувале или не, постои истражување кое тврди дека интимност може да се постигне намерно, доколку се има желба за тоа. Со интимноста, доаѓа и заљубувањето, па така, секој може да се заљуби во секого и тоа за само 4 минути. Ова истражување е проследено со експеримент кој што вклучува збир од 36 прашања и четири минутна вежба. Експериментот е спроведен врз основа на едно постаро истражување од страна на Артур Арон – Arthur Aron, професор по психологија, којшто во лабораториски услови успеал да го поттикне процесот на заљубување помеѓу маж и жена со хетеросексуална ориентација.

„Доколку некој дозволи да биде отворен и ранлив, тогаш може полесно да се заљуби“

Истражувањето се состоело од следнава активност: маж и жена кои што претходно никогаш се немаат видено, влегуваат низ различни врати, седнуваат еден наспроти друг и без зборови се гледаат во очи четири минути. Истите тие учесници, шест месеци подоцна, стапуваат во брак. Најголем дел од истражувањето на професорот се фокусира на формирање на меѓучовечка блискост. Таа блискост подоцна неминовно преминува во заљубување и љубов.

Години подоцна, поттикната од лични причини, новинарката Менди Лен Катрон – Mandy Len Catron, која што воедно е и професор и писател, спроведе експеримент врз основа на ова истражување. Заклучоците од експериментот ги истакна во текст издаден во „Д Њујорк Тајмс“ – The New York Times, кој што за многу брзо време прерасна во вистинска сензација. Прашањата на Катрон се делат на три дела и ги опфаќаат оние прашања за кои најчесто ни е непријатно да зборуваме (дури и на самите себе).

„На сите ни се допаѓа можноста да не бидеме пасивни во тој процес (на заљубување)“ истакнува професорката Катрон.  

Овие прашања претставуваат еден прирачник за заљубување и нешто што всушност ја отстранува романтичната потрага по сродна душа, бидејќи според овој експеримент, човек може точно да избере колку пати сака да се заљуби. Како и да е, за животот не постојат прирачници, а тоа се однесува и за љубовта. Но и покрај  тоа, овие прашања создаваат услови за брзо духовно зближување и чувство на интимност.  Станува збор за тоа да се открие ранливоста и да се спушти гардот. Доколку некој дозволи да биде отворен и ранлив, тогаш може полесно да се заљуби, се заклучува од експериментот.

Прочитајте:  Ограничете го слушањето музика на слушалки на еден час дневно

Би се осмелиле ли да пробате? Еве ги 36 те прашањата кои што ќе ја донесат љубовта во вашиот живот и тоа според ваши правилa.


Споделете со пријателите!