muzikata-e-lek-za-operiranite-pacienti
Споделете со пријателите!

Анксиозните пациенти од хирургија повеќе не мораат да голтаат толку многу апчиња за да ги смират своите стравови и болки кои произлегуваат од медицинските операции. Наместо лекови, музика пред, за време и после операцијата, ги смирува нервите и ослободува од физичка болка, потврдуваат студиите.
Слушањето музика за време на операциите од било кој вид, независно од жанрот на музиката или времетраењето, ги намалува болките на пациентот но и анксиозноста, исто како и потребата од лекови против болки, потврдуваат истражувачите од Универзитетот Квин Мери во Лондон – Queen Mary University of London во истражувањето објавено во журналот „The Lancet.

Дури и кога пациентите биле под општа анестезија, пуштањето на мелодии во етерот имало позитивен ефект. Научниците анализирале податоци од околу 7 илјади пациенти кои имале разновидни операции, за да ја утврдат поврзаноста помеѓу музиката и намалувањето на болката и анксиозноста.

„Постојат навистина издржани истражувања кои потврдуваат дека музиката има потенцијал да даде многу придобивки за многу здравствени состојби“

„Моментално музиката не е користена рутински за да им помогне на пациентите во нивното пост-оперативно регенерирање“ – изјави Д-р Кетрин Мидс – Catherine Meadѕ, истражувач од Универзитетот во Лондон кој ја водеше студијата. Една од причините е што докторите се сомневаат дека музиката има било каков ефект вели таа додавајќи: „Ние се надеваме дека оваа студија сега ќе ги оттргне погрешните перцепции и ќе го потенцира позитивното влијание кое музиката може да го има“. Оваа тема им станува се позанимлива на научниците. Многу досегашни истражувања докажале дека музиката може да влијае на расположението и да влијае на активноста на мозокот. Според ова многу научници сметаат дека со помош на музика може да се лекуваат невролошки заболувања.

Прочитајте:  Експанзија на овчи сипаници во Македонија

Една студија од 2012 година откри дека внимателно одбраната музика може да ги зголеми придобивките од интензивно вежбање. Соодветната музика исто така може да има позитивно влијание врз мотивацијата, издржливоста, силата и продуктивноста. Податоците и од други истражувања потврдуваат дека слушањето музика има бројни придобивки, како редукцијата на стресот, зајакнувањето на имуниот систем и подобрувањето на навиките за спиење и јадење кај бебињата. Исто така возможно е да пешачите подолго за 30% доколку слушате музика.

„Постојат навистина издржани истражувања кои потврдуваат дека музиката има потенцијал да даде многу придобивки за многу здравствени состојби, но не сите студии биле добро дизајнирани“ – вели Ketki Karaman, ко-основач и шеф на еден проект за научни иновации. За да ја пополнат таа празнина, нејзиниот проект се обидува да пронајде објективен начин да се објасни ефектот што музиката го има врз биолошките системи.

Следен чекор за истражувачите на студијата за влијанието на музиката врз операциите е да спроведат повеќе тестови . Кралската болница во Лондон – The Royal London Hospital се очекува да воведе емитување музика за време на операциите, овозможувајќи им на пациентите да ја одбираат музиката која ќе биде емитувана од перницата со вградени звучници за време на операцијата, според едно соопштение за печат.


Споделете со пријателите!