ulogata-na-vitaminot-d-vo-gradenje-na-imunitetot-kaj-decata_image
Споделете со пријателите!

Колку навистина знаеме за сончевиот витамин?
„Недостатокот од витамин Д се појавува кај половина од населението дури и за време на летниот и сончев период“
Мнозинството на педијатри препорачуваат витаминот Д да се внесува како додаток во исхраната кај деца помали од пет години. Сепак и покрај овие препораки, според некои истражувања, дури 74 % од родителите не знаат зошто се препорачува овој „сончев витамин“ и која е неговата улога. Затоа, недостатокот на витамин Д е многу честа појава во нашата климатска зона, особено во зима (кај 70% од населението). Недостаток на овој витамин се јавува кај половина од населението, дури и за време на летните месеци.

Витамин Д, кој уште се нарекува и „сончев витамин“, е од клучно значење за цврстината на коските. Главен извор на овој витамин е нашата кожа. Провитаминот Д, кој се наоѓа во кожата, под дејство на ултравиолетовите сончеви зраци се претвора во витамин Д. Дел од овој витамин се создава во детскиот организам, но секако потребно е сонцето за да се активира. Витаминот Д е липосолубилен (растворлив во масти) и ја регулира апсорбцијата и употребата на минералите калциум и фосфор.
ulogata-na-vitaminot-d-vo-gradenje-na-imunitetot-kaj-decata_image1
Овој витамин е познат имуномодулатор, има противвоспалително дејство, заштитно влијание на цревниот ѕид и ја потикнува неговата регенерација, помага при Кроновата болест и улцеративен колит, при превенција и третман на атопичен дерматит, и има значаен ефект во намалување на гастроинтестиналните инфекции. Влијае на нормалниот раст и развој и го помага вршењето на невролошки и клеточни функции.

Докажано е дека витаминот Д го зајакнува имунолошкиот систем и помага во борбата против инфекциите преку негово учество во продукција на моноцитите. Во последно време се направени многу истражувања за улогата на витаминот Д во респираторните заболувања, кои покажуваат дека неговото консумирање помага во намалување на инфламаторниот процес.  

Многу педијатри укажуваат дека минимум еднаш во месецот дијагностицираат рахитис кај малите деца (коските се премногу меки поради недоволната количина на калциум). Многу други деца имаат помалку сериозни проблеми, како што се недостаток на сила во мускулите, отежност при одење, болки во коските.

„Бебињата обично се раѓаат со деветмесечна залиха на витамин Д“

Нивото на витамин Д се намалува при каков било воспалителен процес, намален имунитет, проблеми со варење, стомачни проблеми (грчеви) кај бебињата, дијареа, поради што е важно континуирано да се надополнува. Бебињата обично се раѓаат со деветмесечна залиха на витамин Д. Оние деца кои се родени предвреме имаат зголемен ризик од дефицит на витамин Д и калциум. Исто така и доенчињата после девет месеци, кои не внесуваат доволно Д витамин и соодветно не се изложени на сонце, имаат зголемен ризик за дефицит на витамин Д.

Прочитајте:  Орален секс задоволство или ризик

Од друга страна консумирањето на пробиотици го надополнува процесот на подобрување на имунолошкиот систем. Кај малите деца се препорачува пробиотскиот сој Lactobacillus rhamnosus, кој е природен жител во цревната миркофлора кај доенчињата и децата. Овие „добри“ бактерии имаат позитивен одговор при акутна инфективна дијареа предизвикана од ротавируси, пост антибиотска дијареа – после третман со антибиотици, дијареа предизвикана од Clostiridium difficile, атопичен дерматит, грчеви (колики) кои најчесто се јавуваат во првите 4 месеци од животот на доенчињата.

Со консумирањето на пробиотиците природно се надополнува нивото на „добрите“ бактерии, а консумирани во комбинација на витамин Д, се заокружува кругот во одбрана на организмот и јакнење на имунитетот.

Производите кои во себе содржат пробиотици и витамин Д се одличен избор за  суплементација на витаминот Д, нормален раст и развој на коските, одржување на здрава цревна микрофлора, регулирање на дигестивните проблеми, и намалување на времетраењето на бактериските и вирусните дијареи (За повеќе информации погледнете на http://baby.probalans.hr/).

Д-р Катерина Кикерковска, специјалист по семејна медицина

PharmaS_Probalans_baby


Споделете со пријателите!