nekolku-pricini-zosto-treba-da-se-otkazete-od-gaziranite-pijalaci_image
Споделете со пријателите!

Откажувањето од газираните пијалаци е од големо значење за здравјето
Пиењето газирани сокови е дел од современиот начин на живот и постојат повеќе причини зошто е тоа така. Најпрво, тие се навика која што лесно се стекнува, бидејќи се лесно достапни, овозможуваат инстант освежување и нудат енергија. Исто така, не треба да се занемари и маркетингот кој што декади наназад популаризира одредени брендови на газирани пијалаци, правејќи ги посакуван производ кој што може да се најде секаде и во секое време. Штетноста на шеќерот е добро позната, и таа е најголема во шеќерот што се пие, односно во шеќерот што се наоѓа во газираните пијалаци. Во продолжение ви нудиме неколку причини зошто треба да се откажете од консумирање на газирани пијалаци.

Ќе бидете помалку гладни

И покрај тоа што повеќето газирани пијалаци содржат вештачки засладувачи, тоа не значи дека се поздрави или подобри за здравјето. Имено, тие дури прават и поголема штета, бидејќи влијаат врз чувството за сигурност. Еволутивно, нашето тело е навикнато да очекува многу калории доколку внесуваме шеќер. Бидејќи вештачките засладувачи се многу поблаги од шеќерот, а не нудат многу калории, всушност му даваат сигнал на телото дека треба да внесе дополнителни калории, што значи дека газираните пијалаци ја зголемуваат телесната тежи
на.

Ќе имате поздраво срце

Газираните пијалаци го зголемуваат ризикот од срцеви заболувања. Според едно истражување на универзитетот „Харвард“ , оние кои што редовно пијат газирани сокови, за 20 проценти повеќе од останатите, ја зголемуваат шансата да добијат срцев удар

Ќе го подобрите дигестивниот системnekolku-pricini-zosto-treba-da-se-otkazete-od-gaziranite-pijalaci_image1

Киселоста содржана во газираните пијалаци не само што ги оштетува забите, туку е штетна и за дигестивниот систем. Особено штетни се диеталните газирани пијалаци бидејќи вештачките засладувачи што ги користат, може да влијаат врз „добрите“ бактерии,  важни за целокупното здравје.

Прочитајте:  Најчести прашања и одговори поврзани со исхрана без лактоза!

Ќе имате повеќе енергија

Кофеинот кој се наоѓа во составот на газираните сокови не ви е пријател. Претераното пиење кофеин ќе ве дехидрира, ќе го стимулира нервниот систем повеќе од потребно, доведувајќи го телото до состојба на замор и истоштеност.

Ќе имате поздрави коски

Доколку престанете да консумирате газирани пијалаци, ќе го подобрите здравјето на коските и ќе го намалите ризикот од остеопороза. Причината зошто тие се штетни за коските, е бидејќи ја намалуваат нивната густина, заради големата количина на фосфорна киселина што ја содржат.


Споделете со пријателите!