Споделете со пријателите!

Во периодот што следува преба да се имаат следниве препораки на ум
Препораки на институтот за јавно здравје за заштита на кожата во услови на прекумерно изложување на сонце, односно ултравиолетово зрачење.

  1. Не се советува изложување на сонце со цел потемнување на кожата односно сончање. Но сепак, ако одлучите да се изложите на сонце тоа треба да го направите постепено (првиот ден само еден час, вториот ден два часа итн.).
  2. Активностите во природа и на отворено да не се планираат кога сонцето е најјако.
    Да се избегнува сонцето од 10-17 часот. Во тој период од денот задолжително засолнете се под сенка (чадор за сонце, стебло, шатор, куќа).
    Алиштата се најдобра заштита од сонце и истите треба да бидат направени од лесни, цврсто ткаени ткаенини со светла боја, а ракавите и ногавиците да бидат што подолги.
  3. Капа со широк обод обезбедува добра заштита од сонце за очите, ушите, лицето, грбот или вратот. Очилата за сонце кои обезбедуваат 99-100 проценти УВ – А и УВ – Б заштита во голема мера ќе го намалат оштетувањето на очите од изложување на сонце.
  4. Да се користат високо-квалитетни средства за сончање со заштитен фактор (SPF) најмалку 30, со водоотпорна формула. Заштитните средства е потребно да се користат дури и кога се оди на отворено само за кратко време.
  5. Да се избегнуваат солариуми.
  6. Заштитните средства да се нанесуваат најмалку 30 минути пред изложување на сонце и да се додаваат често (на секои два часа), особено после капење, потење и бришење со крпа.
  7. Да се нанесуваат на кожата рамномерно и во дебел слој.
  8. Посебно внимание да се обрне на усните, веѓите и ушките.
  9. Да не се заборави на одбивањето на сончевите зраци од различни површини , снег, вода, песок, бетон и трева и на продирањето на сончевите зраци низ облаците. Заштитни средства треба да се користат и кога времето е облачно.
  10. Лицата кои спаѓаат во ризичната група за развој на рак на кожа (на пр. луѓе со црвена или светла коса и светла кожа, лица со голем број на бемки, лица кои веќе се лечеле од рак на кожа итн.) би требало изложените делови на кожа да ги заштитат со заштитни средства во текот на целата година.
  11. Родителите посебно мора да внимаваат на правилна заштита на своите деца
ПРЕДУПРЕДУВАЊЕ: заштитните средства не се наменети за надоместување на природната заштита и продолжување на времето на изложување на сонце!

Прочитајте:  Олеснувања за осигуреници, фирми и матични лекари

Превземено од: Институт за јавно здравје на Република Македонија

Прочитајте повеќе»


Споделете со пријателите!