zastita-crevna-mikroflora-od-antibioticite
Споделете со пријателите!

Дигестивниот тракт врши имунолошка функција. Со честите разболувања, таа функција се намалува и не може доволно добро да го заштити организамот ниту од инфекции ниту, пак, да го закрепне организмот  по боледување. При такви состојби задолжително се препишуваат пробиотиците за да можат да ја подготват имунолошката заштита
Пробиотиците се бактериски култури кои имаат цела палета полезни ефекти врз нашето здравје. Тие се „добри бактерии“ кои служат за регулација на цревната флора при дијареа, за зајакнување на одбранбените способности на организмот, при употреба на анибиотици (за спречување на нарушувањето на нормалната цревна флора). Го подобруваат и зајакнуваат имунолошкиот систем, ја помагаат перисталтиката и функционирањето на цревата и  благопријатно влијаат при стомачни проблеми.

Неминовно е кога се примаат антибиотици паралелно да се користат и пробиотици. Тие делуваат превентивно на стимулирање на имунолошката улога на цревната лигавица.

Кога постои ризик од инфекции најдобар превентивен ефект имаат пробиотиците. Во последниве години медицината посебно ја акцентира лековитата страна на пробиотиците, пред сé нивната функција околу закрепнување и зајакнување на организмот. Дотолку повеќе што современиот начин  на живот ги оддалечи луѓето од природата, на која всушност човекот бил приспособен. Поради тоа и организмот треба да биде поткрепуван за навремено да се заштити од надворешните негативни влијанија, а пред сé децата, кои се најпогодени од ваквите влијанија.

„Го подобруваат и зајакнуваат имунолошкиот систем, ја помагаат перисталтиката и функционирањето на цревата и благопријатно влијаат при стомачни проблеми“

Секако, добрата исхрана е најзначаен механизам за заштита на организмот. Таа почнува со доењето, потоа продолжува со правилното дохранување на бебето и напорот да се заштити од често разболување. Постојат низа превентивни додатоци кои овозможуваат детскиот организам да се заштити од несакани заболувања. За таа цел се користат разни поливитамини, како и пробиотици кои денес се задолжителни при секое лекување. Дејството на пробиотиците најдобро се проверува кога има некоја епидемија. При нивно користење може да дојде до брзо закрепнување и оздравување.

Прочитајте:  Сосови кои ги топат килограмите

Заштита со пробиотици

Дигестивниот тракт врши имунолошка функција. Со честите разболувања таа функција се намалува и не може доволно добро да го заштити организамот ниту од инфекции ниту, пак, да го зајакне  организмот  по боледување. При такви состојби задолжително се препишуваат пробиотиците за да можат да ја подготват имунолошката заштита. Цилиарниот епител што ја покрива лигавицата и ја прочистува (ослабнува) се губи при секоја инфекција. Обновувањето на лигавицата е многу бавно, за да се обнови треба да се преземат мерки и паралелно со лекувањето со антибиотици треба да се примаат и пробиотици. Така лигавицата побрзо ќе се обнови и повторно ќе се активира нејзината имунолошка функција.

Д-р Анета Јанакиеска


Споделете со пријателите!