tretman-na-patnicka-dijarea
Споделете со пријателите!

Пробиотиците делуваат така што помагаат да се воспостави рамнотежа меѓу „добрите бактерии“ и „лошите бактерии” во цревната микрофлора. Овој дисбаланс настанува најчесто како резултат на некоја болест, стрес, земање антибиотици, излачување токсини итн.
Пробиотиците се живи микроорганизми – т.н. „добри бактерии” коишто применети во соодветна количина имаат поволни влијанија врз организмот на домаќинот. А такви позитивни влијанија се регулација на цревната микрофлора при дијареа, зајакнување на одбранбените способности на организмот т.е зајакнување на имунолошкиот систем, при употреба на антибиотици (да се спречи натамошно уништување на нормалната микрофлора). Се употребуваат уште и за намалување на егземата кај деца, за треман на дијареа, иритабилен колон, подуеност (метеоризам) и улцеративен колит.

„Консумирање контаминирана храна и вода е најчестата причина за појава на инфекција.“

Пробиотиците делуваат на тој начин што помагаат да се воспостави рамнотежа помеѓу „добрите бактерии” и „лошите бактерии” во нашата цревна микрофлора. Овој дисбаланс настанува најчесто како резултат на некоја болест, стрес, земање антибиотици, излачување токсини итн. При еден ваков дисбаланс доаѓа до намножување на „лошите бактерии” и до појава на супер инфекција.

Пробиотските култури имаат улога да делуваат на „лошите бактерии” така што го инхибираат создавањето на токсичните супстанции и создавањето на „лошите бактерии” натпреварувајќи се за храна и простор сé додека не се воспостави повторно нормална микрофлора во цревата. Најчести пробиотски култури се: Lactobacillus acidophilus, Lactobacillus casei, Bifidobacteriumи др.

Многу често кај луѓето кои патуваат кон потопли земји (чести при патување на одмор) се јавува дијареа во текот или по патувањето кај 80% од нив дијареата има бактериска природа.

Најчести бактерии кои предизвикуваат дијареа кај патниците се ентеропатогената E. Coli, Sallmonela, Shigella. А најчести вируси кои предизвикуваат дијареа се ротавирусите и Норвок-вирусот, најчести паразитни причинители се Giardia, Criptosporidum.

Консумирање контаминирана храна и вода е најчестата причина за појава на инфекција.

Прочитајте:  Исхрана после пост

Клиничката слика од оваа инфекција се состои од слузави, некогаш и крвави столици, повраќање и болка во стомакот. Овие симптоми настануваат или за време на патувањето или најмногу 10 дена по патувањето, а се повлекуваат за три до пет дена.

Д-р Марјанчо Иванов


Споделете со пријателите!