znaeme-li-sto-e-dobro-za-nasata-koza_image
Споделете со пријателите!

Кога здравјето и убавината на кожата се во прашање, се водиме според некои поставени правила, па се поставува прашањето дали тие правила се точни или станува збор за заблуди
Понекогаш мислиме дека знаеме доста работи кои се полезни за кожата и ја прават да изгледа поздраво или поубаво. Но, тоа што го знаеме можеби и не е целосна вистина. Еве некои заблуди за кожата за кои можеби сте знаеле, а можеби и не.

Антибактериски сапун за чиста кожа

Нормално е да постојат бактерии на површината на кожата и невозможно е да нема никакви бактерии на неа. Користењето на антибактериски сапуни може да доведе до појава на бактерии кои се отпорни на антибиотици. Поради тоа, најдобро е да се користи обичен сапун, а темелното миење на површината која сакаме да ја исчистиме е подобар избор од антибактерискиот сапун.

Вистинскиот крем ќе ја одржува вашата кожа млада

znaeme-li-sto-e-dobro-za-nasata-koza_image2Има многу видови на кремови и останати препарати за кожа кои се наменети за забавување на процесот на стареење. Еден од подобрите начини на кои можеме да се бориме против брчките е ретиноичната киселина која влегува во состав на голем дел од продуктите за кожа. Но сепак, најдоброто решение за здрава кожа би било користењето на крем за заштита од сонце како и одвикнување од навиката за пушење.

Јадењето мрсна храна предизвикува појава на акни

Иако храната што ја јадеме често се поврзува со здравјето на кожата, кога станува збор за мрсната храна може да се каже дека делува различно кај различни луѓе. Најдобро би било да се консумира во умерени количини. А кога станува збор за акните, супстанцијата наречена себум која се лачи во кожата е причината поради која тие се појавуваат.

Сончањето е штетно за кожата

„Претерано сончање може да предизвика брчки заедно со прерано стареење на кожата, а во екстремни случаи може да дојде и до појава на рак на кожа

Луѓето честопати мислат дека изгледаат поздраво кога имаат потемен тен. Иако нема значајна поврзаност меѓу бојата на тенот и здравјето, корисно е да се знае дека сончањето го активира витаминот Д во кожата кој е заслужен за цврсти коски и добар имунитет. Доколку се сончаме на правилен начин нема да бидеме далеку од добивање на здрав тен. Но сепак, претераното сончање знае да биде и многу штетно. Може да се појават брчки заедно со прерано стареење на кожата, а во екстремни случаи може да дојде и до појава на рак на кожа.

Прочитајте:  [дел 2] Микронутриенти кои се од особено значење за организмот

Повисок заштитен фактор значи подобра заштита

Дерматолозите најчесто препорачуваат употреба на крем за сончање со најмалку СПФ30. Сè  што е поголемо од овој фактор не значи дека е подобро. Освен во одредени случаи кога кожата навистина има потреба од поголем СПФ (многу светла кожа или за време на најјако сонце), може слободно да се употребува до СПФ30 кој што блокира 97% од сончевите зраци.

Лузните избледуваат благодарение на витаминот Е

Не постојат многу докази со кои би можел да се потврди фактот дека витаминот Е е заслужен за избледувањето на лузните. Консултацијата со стручно лице би бил најдобриот избор.

Прекрстувањето на нозете предизвикува проширени вени

Иако постојат разни причини за појава на проширени вени, прекрстувањето на нозете не се поврзува со оваа состојба. Доколку се соочувате со ваков проблем, подигнувањето на нозете е еден начин на кој може да си помогнете, а прекрстувањето нема да ја влоши состојбата.

dali-sedenjeto-so-prekrsteni-noze-e-navistina-stetno-po-zdravjeto-image

Кога кожата е во прашање најдобар совет би била консултацијата со стручно лице. Посоветувајте се со дерматолог доколку на било каков начин сте загрижени за здравјето на вашата кожа.


Споделете со пријателите!