Додека законот за интелектуална сопственост може да го забрани производството на 3D органи, законодавците работат на случајот за да го поедностават производството, но и за да ја обезбедат сигурноста на потрошувачите
Создавањето на рака или нога за ампутираните во некоја медицинска установа од третиот свет, печатењето на ветеринарни модели за хируршки тренинзи, па дури и растењето на органи создадени од живо ткиво – овој тип на медицински иновации ќе бидат возможни (но и веќе се) со помош на тродимензионалното печатење. Оваа иновативна област има потенцијал целосно да го промени начинот на кој до сега лекарите ширум светот ќе приоѓаат кон лекувањето на своите пациенти.
Со помош на 3D печатењето, доколку ви е потребен орган или друг дел од телото, сè што треба да направите е да притиснете неколку копчиња и 3D машината за печатење го создава тоа што ви е потребно.
Замката кај оваа технологија се правата за интелектуална сопственост
Д-р Џозеф Бимен – Joseph Beaman од Универзитетот во Текасас во одделот Остин од машинскиот факултет – University of Texas at the Austin Department of Mechanical Engineering кој е пионер во технологијата на медицинското 3D печатење и Елиот Котек – Elliot Kotek одговорен уредник во „Не е невозможно сега“ – Not Impossible Now чиишто лаборатории работат за да создадат нови иновативни технологии за нациите во развој, неодамна зборуваа за новостите и замките на медицинското тродимензионално печатење.
Еден неодамнешен пример од 3D печатењето во медицинската област вклучуваше печатење на протеза за рака за момче од Судан, по име Даниел кој ги изгубил двете раце за време на напад на неговото село. Тој ја изгуби секоја надеж во животот. Лабораториите на Not Impossible на Котек кои помогнаа да се создадат протези за екстремитетите на Даниел, работат со помош на иновативни технолошки идеи, како што е 3D принтањето, за да им помогнат на тие кои имаат најголема потреба во светот.
Многумина се ангажирани околу развојот на ова поле
Со помош на пренесувањето на 3D печатењето на потрошувачко ниво, ќе се отвори цел еден нов пазар на иноватори. Според Д-р Бимен некои од иновациите поврзани со 3D печатењето вклучуваат ласери за стврднување на правта користена во процесот. Ова помогна да се реши главниот проблем кој го имаа пронаоѓачите, да се создаде потпорна структура за остатокот од предметот да биде создаден. Ова материјалот го прави многу поистраен.
Со сите придобивки од користењето на 3D печатењето во здравството се поставува прашањето дали истото е легално? Д-р Бимен го постави прашањето дали се потребни 10 години тестирање за да се направи нешто корисно? Дел од проблемот е тоа што оваа иновација ги прекршува правилата на Европската унија. Сепак, законодавците се трудат да ги осовременуваат моменталните директиви за медицинските уреди, за да ги поддржат новите технологии и иновации, а истовремено да ја заштитат безбедноста на пациентите. Агенцијата за храна и лекови е свесна за овие проблеми и работи со истражувачите на технологијата за да овозможат нејзина широка употреба.
3D печатењето продолжува да се развива со нови иновации
Сепак, ова поле сè уште не е доволно развиено и е лимитирано, делумно поради големината, бидејќи на пример крвните садови се премногу мали за да бидат испечатени. Експертите од оваа технологија пак, велат дека границата кај овој вид технологија е само нашата фантазија. Но, ова не е единствената граница. Друга граница е и цената, бидејќи дури и најевтиниот печатач сè уште е прескап за просечните корисници.
